HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3396 Danimarka Salîb-i Ahmer günü Danimarka Salîb-i Ahmeri 14 Mayıs'da bir Salîb-i Ahmer günü tertîb edecek ve 18 Mayıs'da kongre ictimâʻa daʻvet olunacakdır. _______________ Bulgar Muhâcirlere yardım Varna'da yevmî 2.000 Bulgar muhâcirine çorba tevzîʻ eden matbahın idâresi Britanya Salîb-i Ahmeri heyʼet-i sıhhiyesine intikâl etmişdir. *** San Salvador Salîb-i Ahmeri, Bulgar muhâcirleri için 150 dolar göndermişdir. *** Sofya'da Amerika Şark-ı Karîb Heyʼeti, Bulgar Salîb-i Ahmeri'ne 4.000 dolar tevdîʻ etmişdir. MUKTEBESÂT Millî Mecmûʻa refîkimizden: "Musâhabe Hilâl-i Ahmer ve Meşkûr Hizmetleri Memleketimizde hiçbir ferd yokdur ki, Hilâl-i Ahmer'in kıymetli hizmetlerini takdîr etmesin. Evet, Hilâl-i Ahmer bu ülkeye, bu azîz yurda bilhâssa [329] kara günlerde öyle büyük hizmetlerde bulundu ki, onları benim âciz kalemim tasvîr edecek kudretde değildir. Onları bütün bir millet his hâlinde yaşamışdır. Daha dün ıztırâb ve felâket günlerinden kurtulmak için Millî Mücâdele'mizin hâ- rika sayılan kahramânlık anlarını düşünürsek Hilâl-i Ahmer'in fedâkârlıklarını cânlı bir levha hâlinde görürüz. Vatanın halâsı yolunda kolunu kaybetmiş yâhûd bir düşman şarapnelinin hâin darbesiyle yaralanmış bir Mehmedciğin yarasını, bu mukaddes Türk ilinin yetiştirdiği azîz bir hemşîremizin sardığını tasavvur ediniz. O andaki şefkat hissiyle çarpan bir kalbin şifâ vermek husûsundaki kudreti inkâr edilebilir mi? Hilâl-i Ahmer sâde harb meydânlarındaki faʻâliyetleriyle de kalmamışdır. O, her zamân za- vallılara yardıma da koşmuşdur. Hattâ mekteblerimizde gıdâsını teʼmîn edemeyen mini mini vatan yavrularına da himâye elini uzatmışdır. Memlekete bu kadar büyük mâddî ve maʻnevî yardımlarda bulunan Hilâl-i Ahmer hiç şübhesiz Türk milletinin en ziyâde sevdiği bir müessesedir. Bilhâssa büyük müncîmiz Gâzî Paşa hazretleri meclisin bu seneki küşâd merâsimindeki nutuk- larında: