HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3917 Gengou 1 , Metchnikoff'un laboratuvarında icrâ eylediği tedkîkât esnâsında mikrositaz ve makro- sitazların menşeiyle bunların ahlât derûnuna mürûru mesʼelesini mütâlaʻa eylemişdir. Mûmâileyh glüten-kazeini bir köpeğin plevrasına zerk etmişdir. Bu zerki müteʻâkib birçok lökositlerin münhasıran mikrofazları hâvî bir nethanın toplandığını görmüşdür. Kezâlik kobayların yıkanmış kırmızı küreyvelerini köpeğin plevrasına zerk etmişdir. Hemen makrofajları hâvî bir netha elde etmişdir. Bir tarafdan makrofajları ve diğer tarafdan mikrofajları hâvî nethaları tuzlu su mahlû- tuyla yıkamışdır. Santrifuje etmişdir. Tebrîd ve teshîn ederek mayalarını açığa çıkarmışdır. Mikrofaj- larla elde edilen mâyiʻin kuvvetli ve mühlik bir teessürü olduğunu görmüşdür. Makrofajlarla elde edilen mâyiʻde hiçbir kuvve-i itlâfiye yokdur. Mikrocytase'ın teessür-i müh- likini bu tecrübe isbât eder gibi görünürse de bu mikrocytase'ın kana geçdiği Buchner'in arzu ve iddiʻâsı vechile küreyvât-ı beyzânın bir ifrâzından [214] ileri geldiği isbât edilememişdir. Diğer bir takım tecrübelerle Gengou, ahlâtdaki teessür-i mühlikin küreyvât-ı beyzânın mütehassıl ifrâzından ibâret olmayıp Metchnikoff'un fikri vechile bunların tagayyürât ve harâbîsinden ileri geldiğini isbâta çalışmışdır. Vücûdun müteharrik olan bu hücerâtı tamâmıyla sâbih bir halkdır. Hayâtları birkaç hafta devâm eder bazı hücerâta nazaran pek uzundur. Vazîfeleri pek ağır ve müşkildir. Guddeleri tefrîş eden hücerât ez-cümle gudeydât-ı lebeniye birkaç sâʻat yaşayan hücreleri ihtivâ etmekdedir. Gudeydât-ı lebeniye bir tarafdan tahassul ederken diğer tarafdan ölüm vukûʻa gelmekdedir. Bir tarafdan hücre doğar, iki sâʻat yaşar, ölür. Onu müteʻâkib yine yenileri doğar. Hayât ve ölüm birbirini taʻkîb etmekdedir. Bu mütemâdî ölüme biz cildimizin tabaka-i beşeri- yesinde rast geliyoruz ve aynı zamânda epitel hücerâtıyla tefrîş edilen gışâ-yı muhâtîlerde de aynı hâl vâkiʻdir. Hücreler bir tarafdan yenilerini iʻmâl ederken, diğer tarafdan eskiler ölmekde ve yerlerini yenilere terk etmekdedirler. Doktor İsmail Kenan GEBE KADINLARAYARDIM –Hilâl-i Ahmer Hemşîrelerine– (Geçen nüshadan mâbaʻd) 7-Tıbbî Muʻâyene ve Gebeliğin Muhâtaraları Gebeliğin devâmı esnâsında fizyolojik vazîfelerinin tabîʻî bir seyir taʻkîb etmesi için kadın kendisine çok dikkat edecekdir. Her gün nasıl ki, elbisesine ve elbise dolabına ne kadar ihtimâm gös- terirse bu aynı dikkati bilhâssa idrâr muʻâyenesi için de gösterecekdir. Aldığı gıdâların iyi olmasına dikkat edeceği gibi kay edecek olursa şekline ve ağzından fazla salya akarsa mühim bir sebeb tahtında olabileceğini hâtırından çıkarmayacakdır. Bilhâssa gıdâî ve devâî olabilecek her türlü zehirlenmeğe karşı müteyakkız davranacakdır. Tıbbî muʻâyenede dâimâ bu şerâiti gözeterek cihâz-ı hazmî üzerine atf-ı ehemmiyet olunacak ve kadının ciğerleri ve kalbi de ve vazîfelerinde vukûʻu melhûz olabilecek bozukluklara mâniʻ olmak maksadıyla muʻâyeneden dûr tutulmayacak ve bilhâssa gebeliğinde rahim 1 Doktor Henri Claude ve Jean Camus'nun eserinden.