HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3921 etdikden sonra diyor ki: "-Sebzeler bilakis normal gıdâmız için en lüzûmlu birer unsur olup beşer münhasıran sebze ile idâme-i hayât edebildiği hâlde yalnız et ile tehlikesiz yaşayamaz". Âkilü'l-lahm hayvânlardan kedi ve köpek gibi ehlî veya diğer vahşî hayvânât bile sevk-i tabîʻî- lerinin ihsâs etdiği mecbûriyetle ara sıra yeşillik yemekdedirler. Muʻtâd taʻâmlarımızda bu nâfiʻ sebzelerden bol bol müstefîd olduğumuz gibi akşâm yemekle- rinde bilhâssa kırk yaşından sonra sofralarında et bulundurmayan kimseler sıhhatlerinin kesb-i salâh etdiğini bizzât anlamışlardır. Sebzeler sıhhate çok nâfiʻdir. Çiğ olarak ekl edilenlerden hayâtımız için elzem olan vitamini ve pişmiş olanlardan emlâh-ı maʻdeniye, soda, potas, manyezi, kilisi alıyoruz. Potası çok olan patates artritiklerle romatizmalıların ve şeker illetine mübtelâ olanların başlıca gıdâsıdır. Terkîbinde hâmız-ı limon (hâmız, hamâz değil) bulunan domatesin karaciğer için pek büyük kıymeti vardır. Lahanalardan kükürdü, tereden iyodu alıyoruz. Ispanak, mercimek, fasulyede fak- rü'd-demliler için fâideli olan demir mürekkebâtını buluyoruz. Sebzelerin kıymet-i gıdâiyesi pek muhtelifdir. Kuru sebzelerde tesâdüf olunan albümin etde bulunan albümine müsâvî derecede zengindir. Sebzedeki albüminler et, süt, yumurtadaki albüminler gibi bağırsaklarda mahsûlât-ı afniyenin rükûdetini de mûcib olmaz. Tâze sebzelerle cüzârâtın fi'l-hakîka albümini az ise de emlâh-ı kaleviyesi zengin olacağından bunlar kâfi derecede tabh edilerek daha kâbil-i hazm bir hâle vazʻ edilecek olursa kabzın önüne geçe- rek fiʻl-i hazmîde diğer müfîd bir vazîfeyi îfâ etmiş oluyorlar. HİLÂL-İ AHMER HAVÂDİSİ Ellinci Yıl Hilâl-i Ahmer'in ellinci sene-i devriyesi 23 Kânûn-ı Evvel'de memleketin her tarafında merâ- sim-i mahsûsa ile tesʻîd edildi. Bu merâsime âid peyderpey vârid olan maʻlûmâtı sütûnlarımıza derc ediyoruz. Ankara'da Hilâl-i Ahmer Merkez-i Umûmîsi 23 Kânûn-ı Evvel'de ellinci yıldönümünün tesʻîdi için Yeni- şehir'de Hâle Gazinosu'nun salonlarını intihâb etmiş [219] ve beş yüzden fazla zevâta daʻvetiye gön- dermişdir. Daʻvete icâbet edenler meyânında Başvekîl İsmet, Meclis Reîsi Kâzım Paşalarla heyʼet-i vekîle aʻzâsı ve mebʻûsân-ı kirâm ve pek çok zevât, erkân-ı askeriye, rüesâ-yı meʼmûrîn-i mülkiye, muhtelif cemʻiyât mümessilleri ve Hilâl-i Ahmer aʻzâsı hâzır bulunmuşlardır. Sâʻat on beşde daʻvetliler grup grup Hâle Salonu'nu teşrîf ediyor ve bizzât Merkez-i Umûmî Reîsi, Sıhhiye ve Muʻâvenet-i İctimâʻiye Vekîli Doktor Refik Beyefendi ile heyʼet-i idâe aʻzâsı tara- fından istikbâl olunuyordu. Sâʻat on beşi geçe Başvekîl İsmet ve Meclis Reîsi Kâzım Paşalar hazerâtının teşrîfleri üzerine