HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 77 3954 bilâhare diğer merkezler tarafından taklîd edilmiş ve geçen yaz 25 merkezin teşkîl etdiği 35 koloniye 3.790 çocuk kabûl olunmuşdur. Sâlifü'z-zikr 25 merkezden ikisinin ayrıca müessesât-ı resmiye ile müştereken teʼsîs etdiği yaz kolonilerine 1.740 çocuk alınmışdır. 34 müessese-i sıhhiyeye âid yaz kolonilerine diğer üç Salîb-i Ahmer merkezi gerek nakden ve gerek suver-i sâire ile muʻâvenetde bulunmuşdur. Kamplar umûmiyet üzere ya ormanda veya sâhil-i bahrda teʼsîs edilmekde ve kamp hayâtı üç hafta kadar devâm etmekdedir. Yaz kolonilerinden bazıları çocukları meccânen kabûl etmekde ise de ekserîsi masârıf-ı umûmi- yelerine mukâbil cüzʼî bir para almakdadır. *** Hıfzıssıhhanın Halka Tarz-ı Taʻlîmi Japon Salîb-i Ahmeri Hıfzıssıhha kavâʻidini birçok risâleler tabʻ ve tevzîʻ etmek sûretiyle halka taʻlîm etmekdedir. Şimdiye kadar neşrolunanlar verem, sıtma mücâdeleleri, çocuk bakımı, emrâz-ı zühreviye risâ- leleridir. Daha on kadar risâle tabʻ edilmek üzeredir. _______________ Felemenk Salîb-i Ahmer Hastahânesinin Resm-i Küşâdı Belediyenin muʻâveneti ile Harlem civârında Salîb-i Ahmer'in inşâ etdirdiği hastahânenin küşâd resmi 21 Eylül'de Felemenk Salîb-i Ahmer Reîsi Velîʻahd Prens Henry tarafından icrâ edilmişdir. Hastahâne ileride kâbil-i tevsîʻ bir tarzda inşâ edilerek şimdiki hâlde 27 hasta kabûl etmekdedir. Bu hastahânenin laboratuvarları, radyoloji, ültraviyole şuʻbeleri ve bir vilâdethânesi vardır. _______________ Salîb-i Ahmer Hastahânesinin Yeniden İnşâsı Tezelzülât-ı a[r]ziye netîcesinde harâb olan Okayama hastahânesinin yeniden inşâsına Japon Salîb-i Ahmeri 170.000 yen sarf etmişdir. Müdür-i Mesʼûl: Arif Süleyman