HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4048 Bazı uzviyetlerde yapılan tecrübeler gösteriyor ki, bu husûsda muvaffakiyetler alınmakdadır. Paris'de Profesör Voronoff ve Viyana'da Ştinah'ın tecrübeleri ve tatbîk edilen gençleşme aşıla- rının gâyesi hayâtı temdîd için başvurulan çârelerdir. İleride bu husûsda tafsîlâtla bahsedeceğimden burada sözümü kısa kesiyorum. Fizyoloji ve bünyeleri iʻtibârıyla bazı zî-hayât mevcûdâtın şimdilik hayâtlarını uzatmak imkân- sız görünmekdedir. İpekböceği Metchnikoff tarafından tedkîk ve tetebbuʻ edilmişdir. Bu fizyolojisi dolayısıyla vaktinden evvel ölümü vardır. Bu tesemmüm-i bevl netîcesidir. Itrâhât kesilince hayvâncık fevt olur. Tesemmüm bi'n-nefsihî netîcesi fevt olan hayvânlardaki ölüm acabâ tabîʻî bir ölüm müdür? Eğer arzu edilip doğru bir sûretde tefsîr ve îzâh etmek lâzım gelse denilebilir ki, tabîʻatın fenâ yaratdı- ğı bir uzviyetin, hayâtının az bir sûretdeki devâmıdır. Acaba tabîʻatın, hilkatin berbâd bir sûretde halk etdiği fenâ yapılmış olmaları dolayısıyladır ki, bu fenâlıklar bu yakın ölüme maʻrûz kalmakdadırlar. Nasıl olur da cihâz-ı hazmîsi olmayan erkek hayvân yaşayabilir? Uzviyet-i hayvâniye muhtelif sebeblerden ölüyor. Bu sebebler gayr-ı kâbil-i îzâh ve kâbil-i îzâh olmak, dâhilî ve hâricî bulunmak üzere muhtelif âmilleri vardır. Noksânîsi bulunan uzviyetler pek yakın bir ölümle ölmüyor. Fakat tabîʻî âfetler ölümü husûle getiriyorlar. Bazı uzviyetleri bünyelerinin vezâifi arasındaki noksânı ve hücreleri arasındaki muvâze- neyi ihlâl eden teşevvüşât hücreyi ölüme doğru sürüklüyor. Doktor İsmail Kenan TÜTÜNE DÂİR Genç çocukları tütüne alışmakdan sıyânet etmek üzere Hilâl-i Asfer nâmıyla bir cemʻiyet teşkî- linin mütesavver olduğunu gazeteler yazdılar. Bartın'da da Tütünü Bırakanlar Cemʻiyeti ismiyle diğer bir cemʻiyet teşekkül etdiğini Bartın refikimiz haber veriyor. Bu münâsebetle maʻrûf bir İngiliz âliminin ahîren tütün hakkında yapdığı tedkîkât-ı tıbbiyeyi kârilerimize takdîm ediyoruz: İnsânlarda tütün iʻtiyâdının pek kadîm olduğu zannediliyor. Çin'de pek eski mebânî ve âbidât-ı târîhiye üzerine mahkûk çubuk ve pipolara tesâdüf olunmakdadır. 1492 senesinde Kristof KolombAmerika ile berâber Venezuela sâhilinde KüçükAntil adaların- dan Tabago adasını da keşfetmiş idi. Antil adalarının en büyüğü olan Küba cezîresindeki yerli kabâil rüesâsının sarılmış tütün yapraklarından çıkardıkları dumanlarla zevkyâb olmalarını Amerika kâşifi hayretle seyr u temâşâ etmişdi. Fransa tarafından Portekiz Kralı Sebastian nezdinde sefîr taʻyîn kılınan Jean Nikot'nun 1559 târîhinde [318] Catherine de Medicis'ye gönderdiği tütün tozu ile bu nebât Fransa'ya idhâl edilmiş ve Jean Nikot bu yüzden bir şöhret-i târîhiyeye mazhar olmuşdur.