HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 79 4052 17-Çocuk Doğarken Yapılacak İhtimâm Çocuk vâlideden ayrılınca kordon alâ hâlihî bırakılır. Çocuğun çıkmasıyla berâber meşîmenin de tâm bir ayrılık ve hurûcuna doğum tesmiye olunur. Bu da rağmen yeni takallusları ile husûle gelen halâs-ı tâmdır. Rahmin bu takallusâtı 15-20 dakîka süren bir istirâhat devresini müteʻâkib olur. Do- ğumda olduğu gibi fâsılalı ve vecaʻnâkdir. Bu sancı bazı hâlleri istisnâ edersek çok değildir. İşte bu takallusât-ı meşîmeyi sürükler. Bu da mahsûs hâzırlanmış bir kaba veya tas derûnuna alınır. Bazı defa iyice ayrıldığı hâlde bile meşîmenin çıkmasına yardım etmek lâzımdır. Biraz çekilerek çıkartılabilir. Doktor bir eliyle hafîf bir sûretde kordonu çekmeğe uğraşırken diğer eliyle de batın üzerinden hafifçe tazyîk yapar ve bu tarzda rahmi birkaç defa sıkarak meşîmenin çıkmasına sebeb olur. Tâm halâs esnâsında kadın umûmiyetle bir titreme hisseder ve gâyet az da kan geldiği hemen dâimâ vâkiʻdir. 18-Çocuk Doğdukdan Sonra Yapılacak İhtimâm Doktor, meşîmenin tâm olup olmadığına ve bazı gışâ parçalarının içeride kalması ihtimâline mebnî muʻâyenesini yapacakdır. Zîrâ parçanın içeride kalması bir intânı tevlîd edebilir. Tâm halâsı müteʻâkib kadın doğum vazʻiyetinde aynı yatakda kalacakdır. Zîrâ tuvaletine başlamak lâzımdır. Bu husûsda doktorun tavsiyesiyle hareket olunacakdır. Zîrâ birçok tabîb-i müvellidler hazîneye şırınga yapılmasını, lüzûmuna göre arzu ederler. Bir kısmı da bu usûlü reddederler. (Mâbaʻdi var.) Terceme Eden: Paris, Doktor Ahmed Süheyl HİLÂL-İ AHMER HAVÂDİSİ Hilâl-i Ahmer Meclis-i Umûmîsi Hilâl-i Ahmer Meclis-i Umûmîsi Nisan'ın yirmi yedinci Cumartesi günü Ankara'da ictimâʻ ede- cekdir. _______________ Hilâl-i Ahmer İstanbul Merkezi Meclis-i Umûmîsi Hilâl-i Ahmer İstanbul Merkezi 1928 senesi meclis-i umûmîsi 2 Mart Cuma günü sâʻat 14'de Dârülfünûn Konferans Salonu'nda akdedilmişdir. İctimâʻda 62 aʻzâ hâzır bulunmuşdur. Merkez Heyʼeti Reîsi Doktor Ali Paşa aşağıya derc edilen nutku îrâd ile celseyi açmış ve hemen riyâset dîvânı intihâbına başlanmışdır. İttifâk-ı ârâ ile riyâsete İstanbul Vâlîsi Midhat Bey, riyâset-i sâniyeye Hilâl-i Ahmer Beyoğlu Şuʻbesi Reîsi Abdürrezzak Şükrü Bey ve kitâbete Doktor İhsan Bey intihâb olunmuşlardır. Reîs Midhat Bey [322] intihâbı sûretiyle hakkında gösterilen teveccühe teşek- kürle rûznâme-i müzâkerâtda yazılı mâddelerin müzâkeresine geçileceğini teblîğ etmişdir.