HİLÂL-İ AHMER MECMÛʻALARI / CİLT 9

4101 Yedinci Sene 24 Şevvâl sene 1346 / 15 Nisan 1928 Numara 80 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: Sunʻî Güneş Tedâvîsi – Gebe Kadınlara Yardım – Teneffüs-i Sınâʻî – Lâ-yemût Uzviyetler – Gençlik Salîb-i Ahmer Aʻzâsı ve Mecmûʻaları: İstatistik – Hilâl-i Ahmer Havâdisi – Salîb-i Ahmer Havâdisi – Fransızca Kısmı – İngilizce Kısmı SUNʻÎ GÜNEŞ TEDÂVÎSİ "Londra Hayvânât Bağçesi'nde genç bir filin bacaklarında hâsıl olan rahitisin ortopedi cihâzıyla tedâvîsi uzun sürdüğünden hayvân cıvâ buhârı neşreden bir lâmbanın ültraviyole şuʻâʻâtına her gün beş dakîka arz edilmek sûretiyle daha müessir bir tarz-ı tedâvîye alınmışdır". *** Bir İngiliz gazetesinden alarak yukarıya aynen nakletdiğimiz fıkra zamân-ı intişârında gazete- nin kârilerini hayli güldürmüş ve bu tarz-ı müdâvât Londra'nın günlerce rûhu'ş-şüûnu olmuş idi. Kafesdeki hayvânâtın sunʻî güneş ile tedâvîsi şübhesiz terakkiyât-ı fenniye nâmına kaydedi- lecek muvaffakiyât-ı mühimmedendir. Maʻamâfîh foto-terapi yani ziyâ ile tedâvînin vâsıl olduğu tekâmülün asıl âsâr-ı bâhire ve netâyic-i mesʻûdesi, biraz aşağıda îzâh edileceği üzere insânlara ve bilhâssa küçük yaşdaki çocuklara tatbîkâtında tahakkuk etmişdir. Ültraviyole şuʻâʻâtının havâs ve teʼsîr-i devâîsini ilk defa Niels Finsen isminde Danimarkalı bir tabîb keşfetdi. Tabîb-i mûmâileyh tedâvî-i emrâz için yapdığı ilk tecrübelerde hem güneş şuʻâʻâtını ve hem de sunʻî ziyâyı birlikde istiʻmâl etmekde idi. Niels Finsen taharriyât-ı ilmiyesine germî verince emrine Kopenhag'da bir Ziyâ Tedâvî Mües- sesesi verildi. Sunʻî güneş ziyâsıyla tedâvî el-yevm âlem-i tabâbetde mühim bir mevkiʻ işgâl etmekdedir. Tedâvînin mutlak bir tabîb-i mütehassıs tarafından tatbîk ve icrâsı lâzımdır. Yoksa acemi ellerle