HİLÂL-İ AHMER MECMÛʻALARI / CİLT 9

4171 Yedinci Sene 25 Zilkaʻde sene 1346 / 15 Mayıs sene 1928 Numara 81 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Henry Dunant – Hilâl-i Ahmer'e Âid Kıymetli Bir Vesîka – İnsânlara ve Meskenlere Musallat Olan Tufeylî Hayvânlar – Doktor Karl Bohny – Hilâl-i Ahmer Meclis-i Umûmîsi – Hilâl-i Ahmer Havâdisi – Salîb-i Ahmer Havâdisi – Fransızca Kısmı – İngilizce Kısmı İCTİMÂʻÎ HIFZISSIHHA -52- Necator Americanus Hakkında Birkaç Söz Türkiye'nin Karadeniz sâhil hudûduna Harb-i Umûmî'de düşmanlar ile berâber giren bir has- talık var. Birkaç seneden beri hastalığın izleri üzerinde yürüyen müdeddik mütehassıslar âmil-i mü- essiri olan bir bağırsak tufeylini ele geçirmeğe muvaffak olmuşlar ve hastalık ile bulaşan mıntıkayı teftîş eden resmî heyʼet ve etıbbâ da bu husûsu teʼyîd etmişlerdir. Kan kurutucu bu maraz, yalın ayak gezmeğe alışmış köylülerin ihtiyâc ve iktisâd dolayısıyla şehirlerde maʻîşet aramağa çıkan kısmında görülmüş ve iklîm ile tabîʻat-ı arâzî hastalık tohumlarının bu kısım topraklarda kolayca intişâr etme- sine bir sebeb-i müheyyii teşkîl etmişdir. Hastalık ankilostom denilen bir dûd-ı miʻâînin mürûr-ı zamân ile vücûdda husûle getirdiği bir fakrü'd-demden ibâret olup pek eski ve hattâ Mîlâddan birkaç bin sene evvel dahi maʻlûm idi. 1882 senesinde St. Gotthard Tüneli'ni açan ve uzun zamân bu tünelde yaşayan amelelerde görüldüğü için ismine "maʻdenci fakrü'd-demi" dahi denilmişdir. Hastalığa bundan mâʻadâ tünel hastalığı, dağ sûi'l-kınyesi, müterakkî fakrü'd-dem, tropika klorozu ilh. gibi pek çok isimler de verilmişdir. Bugün hastalık hemen beş kıtʻa-i arzda münteşirdir. En ziyâde müstevlî olduğu kıtʻa Asya'dır. Arabistan, Irak, Hindistan, Hind-i Çinî ve Siyam'da, Japonya adalarının bir kısmında, Çin'in cenûb aksâmında, Filipin ve Cava adalarında halk bu hastalıkdan muztaribdirler. Bilhâssa Seylan adasının bazı mıntıkalarında halkın % 80-90'ı bu hastalık ile maʻlûl olduğu yapılan hurdebînî tedkîkât ile meydâna çıkmışdır.