HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4174 Şahsî tedâbîr-i sıhhiyede edükasyonun pek büyük teʼsîri vardır. Bu cihetle hastalığın tarz-ı sirâ- yet ve intişârını, hastaların hâlini ve tarz-ı mücâdeleyi gösteren filmler halka meccânen gösterilerek tenvîr ve irşâd îcâb eder. Hastalıkdan tahaffuz için lâzım gelen nukât-ı mühimme tabʻ ve neşredilerek halka meccânen tevzîʻ edilmelidir. Şübheli suların süzgeçlerden geçirilmesi veya kaynatılarak içilmesi kâʻide ittihâz olunmalı, çiğ meyve, sebze yenirken dâimâ mülevves olabileceği düşünülmelidir. Bilhâssa sürfelerle bulaşık mıntıkada hiçbir kimsenin yalın ayak gezmesine meydân bırakma- malıdır. Necatorias, memleketimizin ancak pek mahdûd bir mıntıkasında bulunduğu cihetle yapılan ve yapılacak olan mücâdele ile pek az zamânda önüne geçileceği hiç şübhesizdir. Etıbbânın fakrü'd-dem- den şübhe etdikleri her hastada bu tufeylin yumurtalarını aramak ihtiyâcını usûl ittihâz etmeleri mü- câdelede pek mühim bir rol oynayacağına hiç şübhe yokdur. [417] HENRY DUNANT Henry Dunant'ın yüzüncü devr-i se- nevî-i vilâdeti 1928 senesi Mayıs'ının seki- zinci gününe tesâdüf etmesi münâsebetiyle cihân-şümûl bir şöhrete mâlik olan bu büyük insâniyet-perveri bir daha kârilerimize tak- dîm etmek istiyoruz. Jean Henry Dunant, 1828 senesi Ma- yıs'ının [418] sekizinde Cenevre'de doğdu. Temsîl Meclisi aʻzâsından kerîmü'l-hısâl ve gâyet müşfik bir zât olan pederi, erbâb-ı sanâyiʻe mukır olan tekmîl bir mahallenin bî- kes, yetîm ve öksüzlerinin nezâret ve murâ- kabesini derʻude etmiş idi. Vâlidesi lütufkârlığıyla celb-i kulûba muvaffak olmuş, melek-haslet ve fevkalâde zekî bir kadındı. Dunant'da henüz pek genç iken âsâr-ı ciddiyeyi mütâlaʻa ve tedkîk he- vesi uyandı. Bilhâssa târîhe, etikiyâta ve et- nografyaya merâk etdi. Ebeveyninin hasâil-i ber-güzîdesi ve hissiyât-ı şefkat-perverîsinden feyz ve ilhâm alan Dunant, on sekiz yaşında iken doğdu- ğu şehrin fukarâsını, hastalarını birer birer ziyâret eder ve onların elem ü ıztırâblarına tesellî-bahş olurdu. Salîb-i Ahmer eser-i âlîsinin müessis-i muhteremi Henry Dunant, Fondaleur de la Croix-Rouge à lʼâge de 70 ans