HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4179 Une des salles de lʼHôpital de Salonique 20 Magasins et dépot du Croissant-Rouge. Tophane çeşmesiyle Seyr-i Sefâin İdâ- resi arasında 21 Groupe du Comité Central et ses secrétaires 22 Bütün bunlar arasında en mühim olarak hastahâne teşkîlâtını ve seyyâr hastahâne heyʼetlerini vesâir teferruʻâtı pek mühim görüyorum. Hilâl-i Ahmer târîhinin bazı noktalarını tenvîr etmesi cihe- tiyle bu albüme âid mevcûd bütün maʻlûmâtı verdim ve böyle bir albümün mevcûdiyeti 1877-1878 Türk-Rus Harbi esnâsında Hilâl-i Ahmer teşkîlâtının ne kadar mühim ve vâsiʻ olduğunu isbât ediyor. Paris, Doktor Ahmed Süheyl İNSÂNLARAVE MESKENLERE MUSALLAT OLAN TUFEYLÎ HAYVÂNLAR 3 Bit Aʻsâr-ı kadîmede dâü'l-kaml (phtriase) yani bit istîlâsı, cüzâm illeti gibi kesretle tesâdüf olunan ve hattâ en korkunç sayılan hastalıklardan biri idi. Sûret-i mevsûkada rivâyet edildiğine nazaran Hekîm-i şehîr Eflâtun'un, Roma diktatörlerinden Silvan'ın, Romalılar zamânında Kudüs'de icrâ-yı hükûmet eden Herod'un, İspanya Kralı İkinci Phi- lip'in ve daha çok târîhî zevâtın sebeb-i mevti bu dâü'l-kaml olmuşdur. İlletin arz etdiği vehâmet tarz-ı tedâvînin bilinmemesinden neşʼet etmekde idi. Vücûd temiz- liğine Romalılar zamânında fevkalâde iʻtinâ edilmesi ve hammâmların kesreti haşerenin intişârına mâniʻ oluyordu. Hâlbuki kurûn-ı vüstâda şerâit-i umûmiye-i hayâtiyenin acıklı hâli, pislik ve murdârlığın fazîlet telâkkî edilmesi ve bilhâssa nezâfetin iffet ve ahlâka mugâyir görülmesi tufeylinin her tarafa yayıl- masına sebeb oldu. Eskiden vücûd temizliğini çok kimseler ihmâl ederdi. On al- tıncı, on yedinci asırlara kadar bu lâkaydî devâm etdi. En süslü ve müzeyyen elbiseler altında lâ-yuʻad bit bulunurdu. Muhîtin bu ülfet-i medîdesinden ilhâm alan [423] Ressâm Mu- rillo el-yevm Louvre Müzesi'nde güzel bir eser-i sanʻat olarak teşhîr edilen "Genç Bir Dilenci" levhasıyla zamânının temizlik husûsunda- ki mübâlâtsızlığını tasvîr etmiş oldu. Birçok zamânlar gerek bizde gerek memâlik-i sâirede baş keh- lesi nişâne-i sıhhat telâkkî edilirdi. Nitekim "bit yiğitde, pire itde" sözü bir kısım halkın lisânında darb olunan emsâldendir. Hıfzıssıhhanın vazʻ etdiği kavâʻid-i umûmiyeye hürmet eden 3 69, 70, 71, 72, 73, 74, 75, 76'ncı nüshalardan mâbaʻd. Genç bir dilenci levhası