HİLÂL-İ AHMER MECMÛʻALARI / CİLT 9

3822 Yedinci Sene 21 Cemâziyelâhir sene 1346 / 23 Kânûn-ı Evvel 1927 Numara 76 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: Hilâl-i Ahmer Târîhçesi – İctimâʻî Hıfzıssıhha – Gebe Kadınlara Yardım ve Gebelik Takvîmi – İnsânlara ve Meskenlere Musallat Olan Tufeylî Hayvânlar – Diş Maʻcûnu Yerine Meyve – Fransızca Kısmı – İngilizce Kısmı ELLİNCİ YIL 1927 senesi, Türkiye Hilâl-i Ahmer Cemʻiyeti'nin Salîb-i Ahmer Cemʻiyetleri âilesine intisâbı- nın ellinci devr-i senevîsidir. Bidâyet-i teşekkülünden iʻtibâren müdâfaʻa-i milliye ile memlekete yapdığı hizmet ve yardımlarda asîl milletimizin iʻtimâd ve teveccühüne mazhar olan cemʻiyetimiz bu sûretle yarım asırlık hayâtını dolduruyor. Her millî Salîb-i Ahmer Cemʻiyeti'nde muʻtâd olduğu üzere Türkiye Millî Hilâl-i Ahmer Cemʻiyeti de tekmîl Türkiye dâhilinde ellinci devr-i senevîsini bugün merâsim-i mahsûsa ile tesʻîd edecekdir. Bülend ve kıymetdâr himâyesi cemʻiyetimize pek büyük şeref veren ve her husûsda millete ne- cât ve iʻtilâ yolunda rehber olduğu gibi Hilâl-i Ahmer'in kıymet ü ehemmiyetini de iʻcâzkâr irşâdıyla vatandâşlara ifhâm eden sevgili reîsicumhûrumuz Gâzî Mustafa Kemal hazretlerine bu vesîle ile en amîk hissiyât-ı minnetdârânemizi kemâl-i tekrîm ve taʻzîm ile arz u takdîm ediyoruz. [128] HİLÂL-İ AHMER'İN TÂRÎHÇESİ 1864 Cenevre Mukâvelenâmesi – Mecrûhîn-i Askeriyeye Muʻâvenet Cemʻiyeti – Hilâl-i Ahmer'in Teşekkülü İçin İlk Teşebbüs – 1877 Rus Seferi – Cenevre Mukâvelenâmesi'nin Devletçe Kabûl ve Tasdîki – Hilâl-i Ahmer İşâreti'nin Kabûlü – İlk Merkez-i Umûmî – Yunan Harbi – İtalya Harbi – Balkan Harbleri – Harb-i Umûmî – Mütâreke Seneleri – Hilâl-i Ahmer'i Yıkmak İçin Yapılan Teşebbüsler – Hâtime 1864 Cenevre Mukâvelenâmesi 1861 senesinde Napoli'de Doktor Palaçyano, Paris'de Henry Arnault, Cenevre'de Henry Du- nant, hemen yekdiğerini müteʻâkib şefkat-i insâniye ve terakkiyât-ı medeniye nâmına harb zamâ- nında mecrûhîn-i askeriye ve meʼmûrîn-i sıhhiyenin bî-taraflığının beynelmilel bir hak olmak üzere tanınması ve bu husûsda uhûd-ı beynelmilele bir kayıd vazʻ edilmesi için bütün akvâm-ı mütemeddi- neyi sarf-ı mesâʻîye daʻvet etdiler.