HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 81 4203 97'nci mâddenin beşinci fıkrasında, 98'inci mâdde nihâyetindeki "vilâyet merkezleri" lafızlarının "merkez-i umûmî" şeklinde tas- hîhleri, 114'üncü mâddede muharrer "merkezlerde" kelimesinin evveline "kazâ şuʻbeleri ve" kelimele- rinin ilâvesi, 117'nci mâddenin tayyı ve bu mâdde yerine "merkez-i umûmî inde'l-hâce lüzûm göreceği şuʻa- bâtın idâresini kendisine vekâleten bir merkeze tevdîʻ edebilir" şeklinin ikâmesi, 132'nci mâddenin başlangıcı bulunan ilk fıkrasının "vilâyet merkezleri ve bi'l-umûm şuʻbeler" sûretinde tesbîti ve yine aynı mâddenin son fıkrası başlangıcı olan "vilâyet merkezleri" kelimesinden sonra "ve şuʻbeler" kaydının ilâvesi maksadı teʼmîne kâfi geleceğini arz eyleriz 4 . HİLÂL-İ AHMER HAVÂDİSİ İʻtizâr.- Merâkiz ve şuʻabâtımızın gönderdiği resimlerin dercinde sıra taʻkîb etmekde olduğumuzdan bazılarının Mecmûʻa 'ya derci teehhur ediyor. Bi'z-zarûre vukûʻa gelen bu teehhurdan dolayı arz-ı maʻzeret ederiz. _______________ [447] Kurbân Bayramı Şeref-hulûl eden îd-i saʻîd-i edhâ münâsebetiyle Mecmûʻa muhterem kârilerine arz-ı tebrîkât eyler. _______________ Romanya Kraliçesinin Sanʻatevi'ni Ziyâreti Romanya Kraliçesi Maria hazretleri berâberlerinde kerîmeleri ve Romanya sefîri ile zevcesi bulundukları hâlde Hilâl-i Ahmer İstanbul Sanʻatevi'ni ziyâret etmişlerdir. Muhterem zâirler İstanbul Merkez Reîsi Doktor Ali Paşa ve aʻzâsından Saʻdiye Halil ve Safi- ye Hüseyin Hanımefendiler tarafından istikbâl olunarak Sanʻatevi sergisi maʻmûlâtı kendilerine arz edilmişdir. Kraliçe hazretleri takdîre lâyık gördükleri birçok nefâisi mübâyaʻa etmişlerdir. Bu ziyâretden dolayı kendilerine ayrıca arz-ı minnet ve şükrân edilmişdir. _______________ 4 Meʼmûrîn Nizâmnâmesi 'ni gelecek nüshamızla neşredeceğiz.