HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4250 f-Ayak ağzı hastalığı (âfet hummâsı) g-Framboesie h-Cüzâm Bugünkü nesil, ecdâdını mahv eden pek çok hastalıklara karşı tamâmen mücehhezdir. On do- kuzuncu asrın nihâyeti ve yirminci asrın mebdeʼi fen, ilim ve tabâbet husûsunda pek feyyâz ve sehhâr keşifler ile doludur. Eskiden yüz binlerce halkı kırıp geçiren ve târîhde "kıran" nâmıyla benâm olan bir kısım hastalıklar bugün pek sâde ve basît tedbîrler ile pek kolay bir sûretde imhâ olunuyor ve ufak bir tedbîr ile tahaffuz kâbil oluyor. [477] Biz yeni yetişen nesle salgınları, muhâfazasını ve hayâtın kıymetini her zamân, her yerde ve her sûretle öğretmek mecbûriyetindeyiz. Mekteblerimiz, ocaklarımız, maʻbedlerimiz doktor ve hocalarımız bu mefkûre üzerinde ve nihâyetî hayâtın, sıhhat ü âfiyetin muhâfazasına müteveccih yol istikâmetinde yürümelidir ki, az zamânda üreyelim ve sapasağlam bir nesil yaratalım. HİLÂL-İ AHMER CEMʻİYETİ MEʼMÛRÎN NİZÂMNÂMESİ Mâdde 1- Hilâl-i Ahmer Merkez-i Umûmîsince tanzîm ve meclis-i umûmîce tasdîk edilecek büdceye merbût umûmî kadroda tesbît kılınacak vazîfeyi gören ve bu vazîfeye muhassas maʻâş alan kimseye dâimî meʼmur denir. Umûmî kadroda vazîfe ve maʻâş tesbît kılınmayarak herhangi bir ih- tiyâc üzerine Hilâl-i Ahmer hizmetine alınıp da istihkâkları meʼmûrîn maʻâşâtı kadrosundan hâric fusûl ve mevâddan tesviye kılınan kimseler de muvakkat meʼmûr addolunurlar. Mâdde 2- Muvakkat meʼmûrlar dâimî meʼmûrların hukûk ve salâhiyetlerinden müstefîd ola- mazlar ve her ne sûretle olursa olsun, vazîfelerine nihâyet verildiği takdîrde cemʻiyetden bir gûnâ talebde bulunamazlar. Mâdde 3- Meʼmûr olabilmek için aşağıdaki şartları hâiz olmak lâzımdır: a-Türk olmak b-Hukûk siyâsiyesine sâhib olmak c-Hüsn-i ahlâk ashâbından olmak ve muhill-i haysiyet ve nâmûs bir cürüm ve ale'l-ıtlâk ağır hapis ile veya o derecede ağır cezâyı müstelzim bir fiʻlden dolayı mahkûm olmamak d-Derʻuhde etdiği vazîfe daha yüksek ve husûsî bir derece-i tahsîli îcâb etmeyen mahallerde lâ-ekal orta mekteb derecesinde tahsîl görmüş olmak veya buna muʻâdil tahsîl gördüğünü vesâik ile isbât etmek e-Hizmet-i fiʻliye-i askeriyesini îfâ etmiş bulunmak veya herhangi bir sebeble askerlikden muʻâf olduğu sâbit olmak f-Tâmmü's-sıhha olmak Mâdde 4- İbtidâen Hilâl-i Ahmer hizmetine alınanlar altı ay müddetle nâmzedlik devresi geçi- rirler. Bu müddetin hitâmında ehliyeti hâiz olduğu âmirlerince tasdîk edilenler usûlüne tevfîkan katʻî sûretde meʼmûriyete kabûl edilmiş olurlar. Nâmzedlik devresinin hitâmında ehliyeti hâiz olmadığı