HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4264 TÜTÜN İÇENLERE Tütün içmek arzusuna mukâvemet edemeyenlere hulâsasını aşağıya derc etdiğimiz dokuz pren- sibi sıhhatleri nâmına tavsiye ediyoruz: 1-Yirmi bir yaşını ikmâl etmeden tütüne alışmayınız. 2-Senede bir defa ve meselâ yevm-i vilâdetinizde tabîbinize kendinizi muʻâyene etdiriniz. 3-Günde beş sigaradan fazla içmeyiniz. 4-Tütünün kurusunu istiʻmâl ediniz ve tütünü dâimâ âheste âheste içiniz. 5-Dumanı yutup burnunuzdan çıkarmayınız. 6-Tütünü hâricde içiniz. Aslâ ev dâhilinde kullanmayınız. 7-Gerek sigarayı ve gerek yaprak sigarasını içerken dâimâ ağızlık kullanınız. 8-Tütünü hemen taʻâmlarınızı müteʻâkib içiniz. 9-Lâ-ekal senede bir defa bir ay veya daha fazla bir zamân için tütünü muvakkaten terk ediniz. [492] HİLÂL-İ AHMER HAVÂDİSİ Gâzî Paşa Hazretlerinin İstanbul'u Teşrîfleri Hilâl-i Ahmer Cemʻiyeti'nin hâmî-i muʻazzamı Reîsicumhûr Gâzî Mustafa Kemal hazretlerine İstanbul Hilâl-i Ahmer Merkezi'yle şuʻabâtı nâmına arz-ı taʻzîmâta Reîs Doktor Ali Paşa ile Saʻdiye Halil Hanım meʼmûr olmuşlardır. _______________ Merkezi Torbalı Olan İzmir ve Havâlîsinde 31 Mart'da Vukûʻ Bulan Zelzeleye Âid İstatistik Mâdde 1- Zelzele menâtıkında 72 hafîf, 4 mütevassıt, 4 ağır olmak üzere cemʻan 80 kişi mecrûh olmuş ve bunlardan ağır olanları berây-ı tedâvî İzmir'e sevk edilerek diğerleri Tepeköyü'nde teʼsîs olunan dispanserde tedâvî edilmişdir. Enkâz altında kalarak vefât edenler 9 nüfûsdur. Mâdde 2- Torbalı ve havâlîsinde 1.769 kısmen yıkık, 607'si kâmilen harâb olmak üzere cemʻan 2.376 aded hâne hasâra uğramışdır. Kısmen yıkık olanlar da hâlen kâbil-i iskân değildir. Mâdde 3- İzmir'de de 300'den fazla mesken ehemmiyetli sûretde ve 500 kadar mesken, mekteb, câmiʻ vesâire de kısmen dûçâr-ı hasâr olmuşdur. Mâdde 4- Zelzele menâtıkında 7.300 kişi meʼvâsız kalmışdır. Bunların bir kısmı çıta evlerde bir kısmı da baraka ve çadırlarda olmak üzere beher çadırda 6 ilâ 12 kişi iskân edilmişdir. Ayrıca şimen- difer güzergâhında bulunan köylere kumpanyadan 80 vagon tahsîs etdirilmişdir. Mâdde 5- 20 Mayıs târîhine kadar erzâk, melbûsât ve masârıf-ı sâire olarak cemʻan 1.075.132 kuruş sarf edilmişdir.