HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 82 4297 Nezle-i müstevliye (influenza) 2 3 - 5 Yılancık - - - - Nisâî (kadın) hastalıkları - 31 - 31 Sâir hastalıklar 7 17 9 33 Hâricî hastalıklar 8 13 10 31 Yekûn 73 132 48 253 SALÎB-İ AHMERLER HAVÂDİSİ Mösyö Max Hubert Cenevre Beynelmilel Salîb-i Ahmer Merkez Komitesi'nin 12 Mayıs 1928 târîhli celsesinde 31 Mart'da vefât eden Mösyö Gustave Ador'dan inhilâl eden komite riyasetine ittifâk-ı ârâ ile Mösyö Max Hubert intihâb olunmuşdur. Mösyö Max Hubert 1878 târîhinde Zürih'de tevellüd etmişdir. 1902'den 1921 senesine kadar Zürih Dârülfünunu'nda hukûk-ı umûmiye müderrisi olan Mösyö Max Hubert 1907'de Lahey Sulh Konferansı'na İsviçre murahhası taʻyîn edilmişdir. Mûmâileyh Hukûk-ı Beynelmilel Enstitüsü aʻzâsından olup 1913'den 1921 târîhine kadar Bern'de İsviçre Nevâhî-i Müttehide Hukûk Müşâvirliği'nde bulunmuşdur. İsviçre'nin Cemʻiyet-i [518] Akvâm'a dühûlünde mesâʻîsi sebk eden Mösyö Max Hubert 14 Eylül 1927'de Lahey Beynelmi- lel Adâlet Mahkemesi aʻzâlığına intihâb edilmiş ve bilâhare mahkeme-i mezkûre riyâsetini de işgâl etmişdir. Mösyö Max Hubert son zamânlara kadar Cenevre Beynelmilel Salîb-i Ahmer Merkez Komitesi Riyâset-i Sâniyesi'nde bulunmakda idi. Beynelmilel Muʻâvenetler Türkiye, Bulgaristan ve Yunanistan'da vukûʻ bulan zelzeleler münâsebetiyle geçen 30 Nisan'da Beynelmilel Cenevre Merkez Komitesi'yle Salîb-i Ahmer Cemʻiyetleri Heyʼet-i İttihâdiyesi'nin müş- terek teşebbüsleri üzerine bu üç memleket âfetzedegânına millî Salîb-i Ahmer Cemʻiyetleri tarafın- dan yapılan teberruʻât ber-vech-i zîr kaydedilmişdir: Amerika Salîb-i Ahmeri tarafından 5.000 dolar Türkiye'ye Amerika Salîb-i Ahmeri tarafından 5.000 dolar Bulgaristan'a (birinci defa) Amerika Salîb-i Ahmeri tarafından 10.000 dolar Bulgaristan'a (ikinci defa)