HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3865 1) 23 Kânûn-ı Evvel 1927'ye musâdif Cuma günü Hilâl-i Ahmer vilâyet merkezlerinde vâlî, belediye reîsi, erkân ve meʼmûrîn-i vilâyet, askerî kumandanlar, Tayyâre, Himâye-i Etfâl, Türk Ocağı gibi muhtelif cemʻiyât mümessilleri, memleket eşrâfı ve Hilâl-i Ahmer aʻzâsı daʻvet olunarak bir resm-i kabûl icrâ edilecekdir. 2) İşbu resm-i kabûlde heyʼet-i merkeziye reîsi tarafından bir nutuk îrâd edilecekdir. 3) Tesʻîd merâsiminde iʻâne derc, aʻzâ kayıd ve teberruʻât taleb edilmeyecekdir. [169] İʻtizâr.- Mündericâtımızın kesretinden dolayı "Hayât ve Ölüm Nedir?" makâlesinin mâbaʻdiyle "Hilâl ve Salîb-i Ahmer Havâdisi" bu nüshamıza derc edilemediğini maʻa'l-iʻtizâr arz ederiz. _______________ İCTİMÂʻÎ HIFZISSIHHA -49- Trahom Mücâdelesi Gözlerinizi parmaklarınızla uyuşturmak çok tehlikelidir. Elinizin tersiyle uyuşturmakda da tehlike mevcûddur. Ellerinizi hemen yıkayınız! Gözyaş[ı] ve çapaklarında trahom virüs[ü] vardır. Trahom el mendili, çamaşır ve sinekler vâsıtasıyla geçer. Dikkat ediniz!