HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3868 vaffak olduğu da pek kolaylıkla meydâna çıkabilir. Trahomun yüzde hesâbıyla münteşir olduğu mıntıkalarda lâzım gelen mücâdeleyi tatbîk ve teʼmîn husûsunda lâzım gelen personel şimdilik elimizde mevcûddur, diyebiliriz. Büdcenin bu kısım- daki tahsîsâtı tezâyüd eder ve mücâdele mıntıkaları fevkalâde tevessüʻ ederse muvâfık görülen bir merkezde trahom tatbîkât hastahânesi de teʼsîs edilebilir. Burada mücâdeleyi idâre edecek mütehassıs etıbbâ ve maʻiyetine meʼmûr olacak sıhhiye meʼmûru ve hastabakıcılar pek az bir zamânda hastalığın târîhçesi, esbâb-ı intişâr[ı], tedâvîsi, vikâyesi ilh. hakkında pek nâfiʻ maʻlûmât ile mücehhez olacak- lardır. Bu gibi müesseselerden meʼzûn olanların trahomcu vasfı ile mücâdelede parlak vezâif îfâ [172] edecekleri hiç şübhesizdir. Gözcülerin bu kısmının memleketimizi istîlâ edecek gibi görünen ictimâʻî bir âfete karşı ne derece hassâs olacakları âşikâr olmakla berâber günün birinde meslekî mefkûreleri olduğu hiç şübhesiz bulunan zafer-i nihâîye erişmeleri de muhakkakdır, diyebiliriz. GEBE KADINLARAYARDIM –Hilâl-i Ahmer Hemşîrelerine– Paris'de Le Petit Journal tarafından basılarak son günlerde çıkan Willy Rogers'nin Les Secrets de lʼInfirmière nâm çok kıymetli bir eserinden gebe kadınlara ihtimâm bahsiyle gebelik takvîmini pek mühim gördüğümden terceme ederek Hilâl-i Ahmer hemşîrelerine ithâf ediyorum. Hemşîreler muʻâvenet-i ictimâʻiye husûsunda îcâbında halkın tenvîriyle uğraşacaklardır. Bu fâideli bahsi de en son şekilde taʻrîf olunduğu vechile telkîn edeceklerinde şübhe yokdur. Gebelik Takvîmi Bir kadın için ne vakit doğuracağını bilmek bir mesʼeledir. Dâimâ gün ve hafta yanlışlıklarına tesâdüf olunur. Uzun uzadıya hesâb ile uğraşmadansa bu cedveli tedkîk kâfidir. Yalnız âdetinin son gününü tesbît etmesi lâzımdır. Aynı hânede, aynı ayın altına yazılan rakam doğuracağı zamânı gös- terir. Meselâ son âdeti bir Kânûn-ı Sânî'de bitdi. 8 Teşrîn-i Evvel'de doğuracakdır. Meselâ 5 Şubat'da son âdetini gördü. 12 Teşrîn-i Sânî'de vazʻ-ı haml edecekdir. Her sıranın birinci sıra rakamları âdetle- rini, ikinci sıra rakamları doğuracağı târîhi göstermekdedir. Gebe Kadınlara İhtimâm 1-Tabîʻî gebeliğin hıfzıssıhhası 2-Korse ve karın yağı 3-Elbise 4-Husûsî tuvalete ihtimâm 5-Memelere ihtimâm 6-İdrâr muʻâyenesi 7-Tıbbî muʻâyeneler ve gebeliğin muhâtaraları 8-Cihâz-ı hazmî bozuklukları 9-İnkıbâz 10-Kan deverânı bozuklukları 11-Nezfî seyelân ve nezfler 12-Vaktinden evvel doğum