HİLÂL-İ AHMER MECMÛʻALARI / CİLT 9

Türkiye Hilâl-i Ahmer Mecmû‘ası Sayı 76 3871 kullanılabilir. Süblime mahlûlü ile lavaj katʻiyen yapılmamalıdır. Zîrâ istiʻmâli zehirlenmeye sebebi- yet verir. 5-Memelere İhtimâm Çocuğu beslemekde hâiz olduğu ehemmiyeti takdîr ederek memeleri de doğumdan bir müddet evvel hâzırlamak lâzımdır. Memenin ucunun çocuğun emebilmesine müsâʻid olmasına ihtimâm et- melidir ki, çocuk birinci emişinde kolaylıkla sütü çekebilsin. Çatlaklık mevcûd ise onu çok dikkat ile tedâvî ve bertaraf etmek îcâb eder. Sabâh, akşâm memeleri temizce yıkamak ve uçlarını da alkol ile sertlendirmek ve bunun sertliğini memenin başı etrâfındaki hâleye kadar uzatmak lâzımdır. Husûle gelen çatlaklar yalnız sancı vermekle kalmaz. Lenfajit (iltihâb-ı evʻiye-i lenfâviye) ve apse (hurâc) tevlîdine sebebiyet veren mikropların kolaylıkla dühûlünü teshîl eder. 6-İdrâr Muʻâyenesi Bir kadın gebeliği esnâsında tehlikeli ve vahîm hastalıkları vaktinden evvel bertaraf edebilmek için mutlakâ idrâr muʻâyenesini yaptırarak albümin ve şeker bulunup bulunmadığına dikkat etmeli- dir. Muʻâyene olunacak idrârların hazînenin ifrâzâtıyla karışmaması için muʻtâd olan ve taʻrîf olun- duğu vechile yapılan tuvâletden sonra alınması muvâfıkdır. Bu muʻâyene gebeliğin sekizinci ayına kadar her ay başı tekrâr olunacak, bu müddetden sonra da on beş günde bir ve hamle yakın zamânlar- da da haftada bir yapılacakdır. Her günkü idrâr mikdârı 1.200-1.500 gram olmalıdır. Eğer tahlîlinde albümin bulunursa gebe kadına lâzım gelen vesâyâ da bulunmalıdır. Gelmesi melhûz olan havâle ve iltihâb-ı kilyeyi bertaraf edebilmek için yalnız süt perhîzine konmalıdır. Eğer idrârında şeker bulunur- sa bu cihete de dikkat olunarak husûsî ilâclarla tedâvî çâresine bakılacakdır. (Mâbaʻdi var.) Terceme Eden: Paris, Doktor Ahmed Süheyl İNSÂNLARAVE MESKENLERE MUSALLAT OLAN TUFEYLÎ HAYVÂNLAR 6 Fındık sıçanlarının emrâz-ı sâriyenin nakil ve sirâyetinde vâsıta ve âmil olduklarına dâir şimdi- ye kadar etıbbâ tarafından serd edilmiş bir ithâma tesâdüf edilemiyor. Fındık sıçanı meʼkûlâtımızın ve birçok zî-kıymet eşyâlarımızın düşmanı ve binâenaleyh ic- timâʻî hıfzıssıhhadan ziyâde sâdece iktisâd-ı beytî sâhasında tedkîke lâyık bir tufeylîdir. Gerçi küçücük boyu felâket teşkîl edebilecek ziyânkârlığa müsâʻid olmamakla berâber [175] kuru sebze veya erzâk çuvallarını delerek pisliği ile mevâdd-ı mezkûreyi berbâd ve telvîs etmesi, çamaşır ve elbiselerimizi kemirmesi, bazen nâdîde bir kitâbı parçalaması ve seccâde ve halıların orta yerlerini delmesi veya bir pencere perdesinin dantelasını dişlemesi gibi îkâʻ etdiği zararlarla hanımla- rımızın bi-hakkın aʻsâbını tahrîk etmekde ve ev içinde huzûru dâimâ bir nazar-ı endîşe ile görülmek- 6 69, 70, 71, 72, 73, 74 ve 75'inci nüshalardan mâbaʻd.