HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 3 69 Hilâl-i Ahmer vazîfe sevkiyle bu esîrler hakkında Anadolu Hükûmeti'nden maʻlûmât almağa çalışmış ve elde eylediği netîceyi Fransa Salîb-i Ahmer Cemʻiyeti'ne teblîğ etmiş ve Hilâl-i Ahmer'in bu hizmetinden dolayı fevkalâde minnetdâr kalan Fransa Salîb-i Ahmer Cemʻiyeti keyfiyetden Fran- sa Harbiye Nezâreti'ni haberdâr eylemiş idi. Son zamânlarda Fransa Salîb-i Ahmer Cemʻiyeti, Ana- dolu'daki Fransız üserâsına mektûb, para, paket ve hedâyâ göndermek iktizâ etdikçe Hilâl-i Ahmer'in tavassutunu iltimâs etdiğinden bu talebi de derhâl kabûl ve isʻâf olundu. [51] Hilâl-i Ahmer, bu vazîfesini mürûr-ı zamân ile Fransız üserâsı ile âileleri arasındaki münâ- sebâta kadar teşmîl etdi. Fransa Hükûmeti Hilâl-i Ahmer'in bu hizmetinden pek memnûn olarak Der- saadet Fransız Fevkalâde Mümessili General Pelle cenâbları vâsıtasıyla cemʻiyetimize gâyet samîmî bir teşekkürnâme gönderdi. Hilâl-i Ahmer bir tarafdan Anadolu'daki Fransız üserâsına âid işler ile iştigâl eder iken, aynı zamânda Klikya ve Suriye'de Fransızların elinde kalmış olan Osmanlı üserâsının ahvâline karşı da bigâne kalmadı. Bundan altı ay evvel, Fransız Hükûmeti'nden istihsâl eylediği müsâʻade-i mahsûsa üzerine mahsûriyet ve harbden pek ziyâde ıztırâb çekmiş ve nüfûsça azalmış olan Ayıntab ahâlîsine muʻâvenet-i lâzımede bulunmak üzere mahalline İskenderun tarîkıyla Doktor Kilisli Emin Bey'in riyâseti altında bir heyʼet-i sıhhiye-i imdâdiye gönderdi. (Bu heyʼetin raporunu sırası gelince aynen derc edeceğiz.) Bu heyʼet, Haleb'de vesâir bazı mevâkiʻde taht-ı muhâfazaya alınmış olan asker ve sivil esîrlerimizi dahi ziyâret ederek kendilerine para, elbise, çamaşır, sabun ve levâzım-ı sâireye tevzîʻ etdi. *** Hilâl-i Ahmer, Anadolu'daki İngiliz üserâsına karşı da mürâcaʻat vukûʻ buldukça aynı muʻâme- leyi dirîğ etmedi. Cemʻiyetimiz esbâb-ı muhtelifeden dolayı Malta'da mevkûf tutulan Osmanlıların muhtâclarına tevzîʻ edilmek üzere Malta'ya her ay muntazaman yirmi İngiliz liralık bir çek gönderiyor idi. Bundan yirmi gün evvel mütekâbilen Osmanlı ve Fransız, Teşrîn-i Evvel'in otuz birinde ise kezâ mütekâbilen Osmanlı ve İngiliz üserâsı serbest bırakılmışdır. Osmanlı üserâsı ile İngiliz üserâsı aynı günde İnebolu'da mübâdele edileceğinden Hilâl-i Ahmerce bu mübâdele işlerinde cemʻiyetimiz nâmına hâzır bulunmak üzere merkez-i umûmî meʼmûrlarından Ali Macid Bey evvelâ Trabzon'a, sonra İnebolu'ya gitmeğe meʼmûr edildi. Türkiye-Fransa ihtilâfâtına nihâyet veren ve Anadolu-Fransız İʼtilâfnâmesi'nin akdine doğru giden yolda ilk adımın üserâ mülâkâtı dolayısıyla cemʻiyetimiz tarafından atılmış olmasından dolayı cidden büyük bir hazz-ı derûnî duyuyoruz. _______________ Hilâl-i Ahmer Müsâmeresi Müze-i Askerî Müdür-i muhteremi Ferik Muhtâr Paşa hazretlerinin teşebbüsleri ve Bayezid Dâire-i Belediyesi Müdürü Mustafa Nizameddin ve Merkez Kumandanı Muʻâvini Binbaşı Ferhad ve Müze-i Askerî Müdür Muʻâvini Kâimmakâm Rifat Beyefendilerin kıymetdâr muʻâvenet ve himmet- leri eseri olarak Müze-i Askerî Meydânı'nda tertîbi takarrür eden Hilâl-i Ahmer müsâmeresi, Teşrîn-i Evvel'in yirmi birine musâdif Cuma günü büyük bir intizâm ve muvaffakiyet ile icrâ edildi. Müze Meydânı vâsiʻ otağlar, kıymetdâr →