HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 3 70 [51] 21 Teşrîn-i Evvel 1337 [21 Ekim 1921] târîhinde Müze-i Askerî Meydânı'nda Hilâl-i Ahmer menfaʻatine tertîb edilen müsâmereden bir manzara halılar ve rengârenk bayraklar ile tezyîn ve medʻuvvîn-i kirâm için ayrı ayrı yerler ihzâr edilmiş idi. Harbiye Nâzırı Ziya Paşa hazretleri ile Fransız Mümessil-i Siyâsîsi General Pelle, İtalyan Mü- messil-i Siyâsîsi Marquie Garoni, Fransız generallerinden General Charpy ile erkân-ı harbiye reîsi ve daha birçok Fransız ve İtalyan ümerâ-yı askeriyesi müsâmereye şeref-bahş-ı huzûr oldular. Hilâl-i Ahmer Reîs-i Fahrîsi Müderris Doktor Besim Ömer Paşa hazretleri müşârunileyhimi istikbâl ederek kendilerine Hilâl-i Ahmer'in teşekkürâtını yegân yegân arz u iblâğ eyledi. Hilâl-i Ahmer müsâmeresinde hâzır bulunan halkın adedi takrîben dört bini mütecâviz idi. Müsâmere programındaki mevâddan bilhâssa Mâbeyn-i Hümâyûn-ı Mülûkâne muzikasıyla ince sazı, mehterhâne kısmı ve yeniçeri alâyları, millî oyunlar ve Muʻallim Mazhar Bey'in idâresi altında icrâ edilen spor müsâbakaları pek çok takdirlere mazhar olmuş ve defalarca alkışlanmışdır. Feyziye Mektebi tâlibâtından Jülide Hanım'ın Hilâl-i Ahmer'in târîh-i teşekkülünden beri mille- te îfâ etdiği hidemâtı hulâsa aden hitâbesi ve Berrin Hanım'ın inşâd etdiği Hilâl-i Ahmer manzumesi hâzırûn tarafından derîn bir sükûn içinde ve kemâl-i dikkatle istimâʻ edildi ve her ikisi de şiddetle alkışlandılar. Müsâmerenin en büyük muvaffakiyeti, yüz lirayı tecâvüz etmeyen bir masrafa mukâbil, yedi bin üç yüz lira sâfî hâsılât teʼmîn etmiş olmasındadır. Bu vesîle ile demin isimlerini zikretdiğimiz heyʼet-i tertîbiye aʻzâsına ve kıymetdâr iştirak- leriyle müsâmerenin muvaffakiyetini teʼmîn ve tetvîc eden zevât-ı muhteremeye Hilâl-i Ahmer'in teşekkürât ve takdîrâtını arza müsâraʻat ederiz.