HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 3 73 Ahmer Cenevre Beynelmilel Salîb-i Ahmer Mukâvelenâmesi ahkâmına istinâden, bu buğdayın Yu- nan ordusundan alınarak Gördes ahâlîsine tevzîʻ ve iʻtâsı için Dersaadet'deki Yunan Fevkalâde Ko- miserliği'ne resmen mürâcaʻat etdi. _______________ Hilâl-i Ahmer Merkez-i Umûmîsi Aʻzâlığı Hilâl-i Ahmer Merkez-i Umûmîsi'nde ahîren aʻzâlık mevkiʻi inhilâl etmiş idi. Merkez-i umûmî- nin 11 Teşrîn-i Evvel sene [1]337 [11 Ekim 1921] târîhine musâdif Salı günkü celsesinde ale'l-usûl icrâ edilen intihâbât netîcesinde Adliye Nâzır-ı esbakı Mehmed Celâl, Yeni Şark Gazetesi Başmuhar- riri Rauf Ahmed ve şehrimizin meşhûr eczâcılarından Edhem Pertev Beylerin ekseriyet-i ârâyı ihrâz etdikleri anlaşıldığından mezkûr aʻzâlıklara intihâb edildikleri kendilerine teblîğ edildi. Mûmâiley- him merkez-i umûmînin son celsesi müzâkerâtına iştirâk etmişlerdir. _______________ Mısır Hilâl-i Ahmeri'nin Anadolu'ya Muʻâveneti Balkan Harbi'nde memleketimizde altı hastahâne teʼsîs etmek sûretiyle ve daha birçok sûretler ile mecrûh ve muhâcirlerimize pek kıymetdâr hidemâtda bulunmuş olan Mısır Hilâl-i Ahmeri hem- şîremiz, Anadolu'ya îsâl edilerek orada hasta ve mecrûhların tedâvîsine sarf edilmek üzere ve bizim vâsıtamız ile beş bin İngiliz lirası gönderdi. Osmanlı Hilâl-i Ahmeri bu büyük imdâddan dolayı sevgili hemşîresine teşekkür ve tevâlî-i muʻâvenetini temennî eder. _______________ Hilâl-i Ahmer'e Hâricden Gelen Muʻâvenetler Cemâhîr-i Müttefika-i Amerika'nın Philadelphia Şehri Cemâʻat-i İslâmiyesi Reîsi Süleyman Yaşar Bey tarafından riyâset etdiği cemʻiyet nâmına Hilâl-i Ahmer'e 400 dolar, Trablusgarb Derc-i İʻânât Komitesi Reîsi Mehmed Hasan el-Fakih Bey tarafından Banca di Roma vâsıtasıyla 50.000 İtal- yan frangı, Beyrut eşrâfından Mesabihu'l-Mahiş Bey'in Beyrut hayır-perverânından topladığı iʻâne bedeli olarak 1.180 Osmanlı lirası vürûd ederek cemʻiyetimiz veznesine îrâd kaydedilmişdir. _______________ Hilâl-i Ahmer'e Teberruʻât Dersaadet'de eczâ ticâretiyle iştigâl eden Ekrem Necib Ticârethânesi, Hilâl-i Ahmer müessesât-ı sıhhiyesine 21.320 kuruş kıymetinde yirmi bir kalem muhtelif eczâ-yı tıbbiye, şehrimizin meşhûr ko- misyoncularından [55] E. M. Karhi Efendi 150 paket yakı ve merhûm Niyazi Bey'in birâderi Resneli Osman Bey müstaʻmel bir araba ihdâ ve teberruʻ eylediler.