HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 3 74 _______________ Çocukları Kurtarma Cemʻiyeti'ne Muʻâvenet Cenevre'deki Beynelmilel Etfâle Muʻâvenet İttihâdı Merkezi'yle müşâreketi bulunan Lond- ra'daki Çocukları Kurtarma Cemʻiyeti yakında Londra şehrinde bir sergi küşâd edecekdir. Bu cemʻi- yetin reîsi Lord Virdell, İngiltere Hükûmeti nezdindeki Osmanlı murahhas-ı mahsûsu Reşid Paşa haz- retlerine mürâcaʻatla, Osmanlı Hilâl-i Ahmeri'nin bazı eşyâ göndermek sûretiyle bir sergiye iştirâk eylemesini teklîf ve ricâ etmiş, Reşid Paşa hazretleri dahi Hâriciye Nezâretimiz vâsıtasıyla Hilâl-i Ahmer Cemʻiyeti'ni keyfiyetden haberdâr eylemişdir. Cemʻiyetimiz bu sergiye fakîr çocuklar men- faʻatine satılmak üzere münâsib mikdâr eşyâ gönderdi. _______________ Hilâl-i Ahmer Merkez-i Umûmîsi'nin Teşrîn-i Evvel [1]337 [Ekim 1921] İctimâʻında İttihâz Edilmiş Olan Mukarrerâtın Başlıcaları 1-Gerek şimdiye kadar toplanmış ve gerek baʻdemâ toplanacak olan iʻânâtdan Anadolu ihtiyâ- cât-ı sıhhiyesi için mübrem sarfiyâtın icrâsına heyʼet-i idârenin meʼzûn olması ve ancak her merkez-i umûmî ictimâʻında bu sarfiyât yekûnunun meclise bildirilmesi, 2-Muhâcirîne Hilâl-i Ahmerce yapılan muʻâvenetin eski tarzda devâmı ve Kadıköy merkezine, Selimiye'deki muhâcirlere iʻtâ etdiği yemek yerine, ekmek vermesinin tavsiye edilmesi, 3-Beynelmilel Salîb-i Ahmer'in Bafra, Giresun ve Trabzon havâlîsine göndermek istediği heyʼet hakkında Ankara'dan istiʻlâm-ı keyfiyet edilmesi, 4-Amerika Salîb-i Ahmer Cemʻiyeti'nin İstanbul şuʻbesine meʼmûr zevâtın Hilâl-i Ahmer ma- dalyalarıyla taltîf edilmeleri husûsunun Taltîfât Komisyonunca tedkîki, 5-Merkez-i Umûmî aʻzâsından Edhem Pertev Bey'in Mâliye Komisyonu aʻzâlığına intihâb ve taʻyîn edilmesi, 6-Cenevre Mukâvelenâmesi'ne vukûʻ bulan tecâvüzden bâhis olmak üzere Hilâl-i Ahmer dos- yalarında mevcûd olan vesâiki cemʻ ve ihzâr etmek ve Cemʻiyet-i Akvâm tarafından bazı mesâilin te- dkîki için İstanbul'a iʻzâm edileceği istihbâr kılınan murahhaslar ile görüşmek üzere merkez-i umûmî aʻzâsından Hasan Tahsin, Fazlı Necib ve Kilisli Doktor Rifat Beylerden mürekkeb bir komisyon teşkîl edilmesi. _______________ Eskişehir Hilâl-i Ahmer Hastahânesi Geçen nüshamızda yazdığımız vechile Eskişehir Hilâl-i Ahmer Hastahânesi faʻâliyetde ber-devâmdır. [56] Mezkûr hastahâne sertabâbetinden gelen bir raporda, müessesemizde el-hâletü hâzihî 214 hasta ve yaralı tedâvî edilmekde olduğu yazılıyor. Cemʻiyetimiz, bu müessesenin teʼmîn-i ihtiyâcâtına medâr olmak üzere Dersaadet Yunan Fevkalâde Komiserliği vâsıtasıyla sertabâbete bu kere dahi 15.000 drahmi gönderdi.