HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 3 76 El-yevm Hilâl-i Ahmer Cemʻiyeti yalnız dul kadınlar ile çocuk ve ihtiyârlara günde adam başı- na yarım okka ekmek tevdîʻ etmekdedir. Bu sûretle ekmek alanlar takrîben 750 kişidir. [57] TALTÎFÂT Nişân- Hilâl-i Ahmer Cemʻiyeti'ne semîhâne ibzâl-i muʻâvenet etmiş olan Amerika Salîb-i Ahmer Cemʻiyeti'nin Dersaadet şuʻbesi müdürü Binbaşı Claflin Davis ile şuʻbe-i mezkûre levâzım müdürü Binbaşı Day, Hilâl-i Ahmer Cemʻiyeti tarafından vukûʻ bulan arz u inhâ üzerine üçüncü rüt- beden birer kıtʻa Osmanî nişânı ile taltîf buyurulmuşlardır. Hilâl-i Ahmer Cemʻiyeti bu muhterem dostalarını tebrîk ve vukûʻ bulan himmet [ve] muʻâve- netlerinden dolayı kendilerine tekrâr arz-ı teşekkürât eder. Madalya- Sarıbayezid muʻteberânından ve tüccârdan Hayreddin Bey'e alâmet-i mahsûsasız tunç Hilâl-i Ahmer madalyası ihsân buyurulmuşdur. Tebrîk ederiz. SALÎB-İ AHMERLER HAVÂDİSİ Amerika Cemâhîr-i Amerika Salîb-i Ahmeri'nin 1920-1921 Senesi Zarfındaki Faʻâliyeti -Ahâlîmizin nazar-ı dikkatine- Mecmûʻamızın intişârından beri Amerika Salîb-i Ahmer Cemʻiyeti hakkında bazı maʻlûmât vererek halkımızın nazar-ı dikkatini celb etdik. Bu defa da bu büyük ve zengin cemʻiyetin 1920-1921 senesi zarfındaki faʻâliyeti hakkında gâyet belîğ rakamlar dökeceğiz. Maksadımız, ahâlîmizi medenî memleketlerdeki Salîb-i Ahmerlerin muʻâdili ve hemşîresi olan Hilâl-i Ahmer fikir ve meşgalesiyle daha ziyâde alâkadâr kılmakdır. Bugün, her memleketin Salîb-i Ahmer'i o memleketin millî bir mü- essesesidir. Hilâl-i Ahmer'in de bu sıfatı taşımakdan hâlî kalmayacağı şübhesizdir. Harb-i Umûmî hâilesi, dünyânın mâddî ve maʻnevî umûru üzerine nasıl icrâ-yı teʼsîr etmiş ise mevcûd müessesât ve teşkîlâtı da teʼsîrâtından âzâde bırakmamışdır. Harbden evvel Salîb-i Ahmerlerin vazîfeleri hemen münhasıran meydân-ı harbde mecrûh düşenlerin imdâdına yetişmekden ibâret idi. Hâlbuki bugün bütün Salîb-i Ahmerler zamân-ı sulh içinde ayrıca bir faʻâliyet programı ihzâr etmekdedirler. Hilâl-i Ahmer henüz harb faʻâliyetinden tamâmıyla çıkamamış ise de sulh faʻâliyetine girmek zamânın- dan dahi pek o kadar uzak değildir. Anadolu harbinin mecrûhları ile mültecî muhâcirlerinin âlâm u ıztırâbâtını tehvîn husûsunda Hilâl-i Ahmer'e ibzâl-i muʻâvenet eden muhterem milletdâşlarımıza, Hilâl-i Ahmer'in medyûn olduğu minnet ve şükrân cidden bî-pâyândır. Fakat şiddetle arzu olunur ki, halk harbden sonra da Hilâl-i Ahmer'i unutmasın, ona yardım etsin ve onun millî bir müessese olduğunu hiçbir zamân hâtırından çıkarmasın. Bütün cihân Salîb-i Ahmerleri arasında bir mevkiʻ-i mümtâz hâiz olan cemʻiyetimiz ahâlîmizin muʻâvenet-i dâimesi sâyesinde günden güne bu mevkiʻi yalnız muhâfaza değil, hattâ iʻlâ edeceğini kaviyyen ümîd eder. Bu küçük mukaddimeden sonra Amerika Salîb-i Ahmeri mecmûʻasından bu büyük Salîb-i Ah- mer'in sulh devresi faʻâliyetine âid olan rakamları, ber-vech-i zîr iktibâs ve derc ediyoruz: