HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 3 77 İştirâkât-ı Seneviye Faslı: 6.041.164 büyük ve 5.113.090 küçük aʻzâ (Aʻzâlığın asgarı hisse-i iştirâk-i senevîsi bir dolardır.), 17.000-18.000 Salîb-i Ahmer şuʻbesi, 3.402 müdüriyet-i umûmiye vardır. Berrî ve Bahrî Muʻâvenet Faslı: 54 berrî [58] ve bahrî hastahâne ile 210 berrî ve bahrî imdâd ve muʻâvenet mevkiʻinin idâresi teʼmîn, 11.690 hasta tedâvî ve bu hastaların 29.712 nüfûsdan ibâret olan efrâd-ı âileleri iʻâşe edilmişdir. Muhârebeden Avdet Edenlere Yardım Faslı: 62 umûmî hastahâne ile 1.630 aded hükûmet has- tahânesinde 26.300 kişi tedâvî, 1.508.640 kişiye muʻâvenet edilmişdir. Bu faslın yekûn-ı sarfiyâtı 8.572.826 dolara bâliğ olmuşdur. Hastabakıcı Faslı: 37.787 hastabakıcı kaydedilmişdir. Bunlardan 5.127'si Amerika'da ve 142'si Amerika'nın hâricinde çalışdırılmakdadır. 1.163 hastabakıcı sıhhat-i umûmiye hizmetine nakil ve devredilmişdir. Bakılan hastaların adedi 499.800'dür. Mektebler Faslı: Amerika mekteblerinde ayda vasatî olarak 55.445 talebe muʻâyene edilmişdir. Hıfzıssıhat-i Beytiye Faslı: Kadınlara ve kızlara hıfz-ı sıhhat-i beytiyeyi tedrîs etmek üzere 1.726 muʻallim taʻyîn edilmişdir. Bu derslere devâm edenlerin adedi 258.710 kişiye ve bir sene zar- fında bu dersleri ikmâl ile şehâdetnâme alanların adedi ise 86.570 kişiye bâliğ olmuşdur. Tegaddî Şuʻbesi: Hımye (perhîz) usûlüyle muʻâyene ve tedâvî edilenlerin adedi 2.514'dür. Hım- ye usulünü tahsîl ile şehâdetnâme alanlar 1.587 kişiye, hımye derslerini taʻkîb eden talebenin adedi ise 22.006'ya resîde olmuşdur. 1.114 hımye dershânesi küşâd edilmişdir. Hıfz-ı Sıhhat Şuʻbesi: El-yevm hâl-i faʻâliyetde 260 hıfz-ı sıhhat merkezi vardır. Hıfz-ı sıhhat hakkında 4.015 konferans verilmiş ve 6.264 klinik açılmışdır. İlk İmdâd Şuʻbesi: Bu sene Cemâhîr-i Müttefika-i Amerika'da kazâen 75.432 kişi vefât etmiş- dir. Kazâ vukûʻunda derhâl ilk imdâd takayyüdâtı tatbîk etmek için 437 müdüriyet-i umûmiye ibrâz-ı faʻâliyet etmekdedir. İlk imdâdın ne sûretle tatbîk edildiğini taʻlîm ü tedrîs etmek üzere 104.496 tale- beyi hâvî 5.100 dershâne açılmışdır. Bu sene zarfında ikmâl-i tahsîl edenlere 30.173 aded ilk imdâd şehâdetnâmesi tevzîʻ edilmişdir. Cankurtaran Şuʻbesi: Cankurtaranların maʻlûmât ve müktesebâtını yoklamağa meʼmûr 1.276 mümeyyiz, bu şuʻbede 10.941 mukayyid aʻzâ, 6.096 şehâdetnâmeli cankurtaran meʼmûr vardır ve bu iş 160 şuʻbeyi hâvîdir. Âfât ve Beliyyât Şuʻbesi: Âfât ve felâkât vukûʻunda derhâl âfetzedegânın imdâdına koşmak vazîfesiyle mükellef 177 müdüriyet-i umûmiye çalışmakdadır. Bu seneki âfetzedelerin felâkât ve ihtiyâcâtını tehvîn etmek yolunda 1.600.000 dolar sarf edilmişdir. İstihsâlât İdâresi: İstihsâlât işleriyle 1.613 müdüriyet-i umûmiye iştigâl etmekdedir. Bu sene 1.317.528 takım ameliyât-ı [59] cerrâhiye levâzımı ihzâr ve Avrupa'ya 56.486 takım çocuk kundağı ve 551.680 takım elbise sevk ve irsâl edilmişdir.