HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 102 HİLÂL-İ AHMER HAVÂDİSİ Yeni Binâ Hilâl-i Ahmer Merkezi şimdiye kadar kirâ ile oturmakda olduğu Mahmudiye Câddesi'nde kâin merkez-i umûmî binâsını terk etmiş ve bundan bir sene evvel mübâyaʻa ederek yakın bir zamâna kadar eski bir mukâvele mûcebince bir müsteʼcirin zîr-i iştigâlinde bırakmak ıztırârında bulundu- ğu Yerebatan'da Emniyet Sandığı ittisâlindeki kendi binâsına 12 Teşrîn-i Evvel [1]337 [Ekim 1921] senesine musâdif Cumartesi günü nakl-i mekân eylemişdir. Yeni binâsında yerleşir iken, Hilâl-i Ah- mer'in ilk işi milletini ve milletinin lütfunu ve fedâkârlığını düşünmek oldu. Çünkü Hilâl-i Ahmer'in bu yeni binâsı, milletin kendi evi, kendi binâsı demekdir. Milletin inâyet ve müzâhereti sâyesinde günden güne inkişâf etmekde olan [74] ve sulhden sonraki faʻâliyetini daha hayırkâr zemînler üzerin- de kurmağa hâzırlanan Hilâl-i Ahmer Cemʻiyeti, yakında işi ve ihtiyâcât-ı müstakbelesi ile mütenâ- sib büyük ve muntazam bir anbâr binâsına sâhib olmağı da cândan arzu eder ve bu mazhariyetini de milletin kereminden bekler. Yeni binâya naklimiz münâsebetiyle Hilâl-i Ahmer Müfettiş-i Umûmîsi Doktor Celâl Muhtar Bey, Hilâl-i Ahmer'e teyemmünen ve tebrîken bin Osmanlı lirası teberruʻ etdi. Bu teberruʻ yeni binâ- mızda yapılan ilk muʻâmele-i resmiye, taʻbîr-i mahsûsuyla ilk istiftâh olduğu için binâ-yı mezkûrdaki bin liralık ilk vezne makbûzu dahi müşârunileyhin nâm-ı sehâvetkârânesine katʻ edildi. _______________ Trablusgarb Hilâl-i Ahmer Cemʻiyeti Trablusgarb Derc-i İʻânât Komitesi Reîsi Muhammed Hasan el-Fakih Bey tarafından Banca di Roma vâsıtasıyla Hilâl-i Ahmer'e 50.000 İtalyan franklık bir telgraf havâlenâmesinin gönderildiğini geçen nüshamızda yazmış idik. Bu defa Hilâl-i Ahmer'e gelen mektûbda "Cemʻiyetü İʻânetü'l-Hilâli'l-Ahmer bi-Trablusilgarb" nâmı altında teşkîl edilen ve müstemirren ibrâz-ı faʻâliyet eyleyen bu cemʻiyetin hâlâ cemʻ-i iʻânâta devâm etdiği bildiriliyor. Bu cemʻiyeti teşkîl eden zevât-ı kirâmın esâmîsini ber-vech-i zîr kaydediyoruz: Muhammed Hasan el-Fakih Bey (reîs), Muhammed Arif Bey (muhâsebeci), Mahmud Ömer el-Melâlî ve Ali Galib Beyler (kâtib), Osman el-Kayre[v]anî, Muhammed bin Zikri, Ahmed el-Arabî, SarayköyAhz-ı Asker Şuʻbe Reîsi Binbaşı İbrahim, el-Hâc Tahir el-Mecrâb, Kemal Beyler ile İtalyalı Mösyö Ciyoniyobisi, Doktor D. Mezzolini (aʻzâ). Mektûbda bundan başka dört zâtın aʻzâ olduğu görülüyor ise de imzâları okunamadığından ayrıca kaydedilemedi. Hilâl-i Ahmer, Trablusgarb'ın bu muhterem cemʻiyetine alenen takdîm-i şükür ve hürmet eder. _______________