HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 103 Arjantin Hilâl-i Ahmer Komitesi Amerika-yı Cenûbî'de kâin Arjantin Cumhûriyeti memâlikinde ve bilhâssa pâyitahtı olan Bu- enos Aires'de birçok Osmanlılar bulunduğu maʻlûmdur. Bu muhterem vatandâşlarımız anavatandan uzak bulunmalarına rağmen vatanlarını düşünerek ona yardım etmeğe karâr vermişler. Bu maksadın teʼmîni için orada bir Hilâl-i Ahmer komitesi teşkîl eylemişlerdir. Türk, Arab ve Musevî'den mürek- keb olan bu Osmanlıların ileri gelenleriyle bazı Arjantin muʻteberânı, tebaʻa ve menâfiʻ-i Osmani- ye'nin himâyesini derʻuhde etmiş olan mahalli İspanya general konsolosunun riyâseti altında akd-i ictimâʻ ederek Anadolu'daki Osmanlı mecrûhları menfaʻatine iʻâne toplamak için bazı mukarrerât ittihâz eylemişler ve kendi aralarında bir iʻâne komitesi teşkîl etmişlerdir. Komitenin ilk ictimâʻında, aʻzâ arasında toplanan iʻânenin yekûnu 5.000 peso, yani 500 Osmanlı lirasına bâliğ olmuşdur. [75] Hilâl-i Ahmer Cemʻiyeti İdâre-i Merkeziyesi'nin yeni binâsı Le nouveau local du Siège Central du Croissant-Rouge Ottoman [76] Hilâl-i Ahmer Merkez Komitesi nâmını alan bu komite, kırmızı hilâller ile müveşşah ol- mak üzere Arabca ve İspanyolca büyük duvar iʻlânları tabʻ ederek Buenos Aires'in ve diğer büyük Arjantin'in şehirlerinin duvarlarına taʻlîk etmişler ve gazeteler ile de ayrıca propaganda yapmışlardır.