HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 104 Merkezimiz vârid olan bu iʻlânların Arabca kısmında Arjantin Hilâl-i Ahmer Merkez Komitesi eski Osmanlı İmparatorluğu'nun Arjantin'de sâkin bi'l-cümle tebaʻasına hitâb ve mürâcaʻat ediyor. Arabca iʻlândan âtîdeki cümleyi aynen alıyoruz: "-Leyse ile'l-Osmaniyyîn fekad bel ile'l-Lübna[ni]yyîn ve's-Suriyyîn ve'l-Arab, leyse ilellezîne kânû bevânimûne cüzʼen mine'l-İmberaturiyyeti'l-Osmaniye. Fekad bel ilellezîne yeşʻurûne ve ye- teʼellemûne ve yaʻrifûne enne'l-vâcibe'l-insânî fevka külli vâcibin âhar ilh." İspanyolca kısmında ise Hilâl-i Ahmer, Arjantinlilere tevcîh-i hitâb ederek bu emr-i hayra iş- tirâk etmelerini ricâ ediyor. İspanyolca kısmının Türkiye'ye karşı gâyet teveccühkâr olan şu cümlele- rini terceme ve iktibâs ediyoruz: "-Bütün mesâil-i siyâsiye, dîniye ve ırkiyeyi ber-taraf ederek diyebiliriz ki, necîb ve âlî-cenâb Türk milleti, on iki seneden beri istiklâli ve tamâmiyet-i mülkiyesi uğrunda mütemâdî harblerin yü- künü taşımakla cidden kahraman ve hürmete şâyân olduğunu bütün cihâna gösteriyor". Arjantin Hilâl-i Ahmer Merkez Komitesi'ni teşkîl eden heyʼet-i muhteremenin isimlerini ber-ve- ch-i zîr kaydediyoruz: İspanya General Konsolosu Don Joaquin de Iturralde (reîs-i fahrî), Felipe Hamad Efendi (reîs), Chattar Efendi (birinci reîs-i sânî), Elias Casis Efendi (ikinci reîs-i sânî), Don Eduardo Navarro (üçüncü reîs-i sânî), M. M. Strugo Efendi (kâtib-i umûmî), Seyfeddin Rahhâl Efendi (serkâtib), Selim Ebu İsmail Efendi (kâtib muʻâvini), Said Murad Efendi (veznedâr), E. Ali Hallâr Efendi (veznedâr muʻâvini), Yusuf Kenan, David bin Attar, Mehmed Murad, Mahmud Mudeh Efendiler, Don Emliyo Diyaz, Don Yuze Karlo Gomez, S. Ebu Salih, M. E. Mansur, Sanyagos Strugo, Ahmed Hadid, Hâmid Murad, Mustafa İsmail, Sadık İbrahim, Felipe Nâzır, Muhammed İsmail, Mahmud, Hasan Darcal Efendiler (aʻzâ). Hilâl-i Ahmer Mecmûʻası , Arjantin Hilâl-i Ahmeri Merkez Komitesi'ne derkâr olan himemât ve mesâʻîsinden dolayı takdîm-i tebrîkât ve teşekkürât ederek hayırkâr vazîfesinde mazhar-ı muvaf- fakiyet olmasını temennî eder. _______________ İngiliz Hilâl-i Ahmeri'nin Bir Teklîfi Uzun müddetden beri Londra'da ikâmet etmekde bulunan Hind meşâhîr-i mütefekkirîninden Emir Ali hazretleri, Saltanat-ı Seniyye'nin Londra Fevkalâde Komiseri Reşid Paşa hazretlerine mürâ- caʻatla, Trablusgarb Harbi esnâsında Trablus'da hizmet etmiş olan bir İngiliz tabîbinin 1 → 1. Trablusgarb'da hiçbir İngiliz tabîbi bulunmamışdır. Mevzûʻ-ı bahis tabîb, Balkan Harbi'nde İstanbul'da mecrûh te- dâvîsi husûsunda faʻâliyeti sebk etmiş bir zât olsa gerekdir. ( Hilâl-i Ahmer Mecmûʻası )