HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 106 6 Rebîʻulevvel 1340 [7 Kasım 1921] ve 7 Teşrîn-i Sânî 1921 târîhli nüshasında "el-Hilâlü'l-Ahmer li-Osmanî" nâmıyla dört buçuk sütûnluk bir makâle yazarak Osmanlıların âlem-i İslâm'a etdikleri bir- çok hidemâtı taʻdâd etdikden sonra âlem-i İslâm'ın da Osmanlı Hilâl-i Ahmeri'ne muʻâvenet etmesini taleb ve bu bâbda bast-ı irşâd ile diyor ki: "-Osmanlıların mâlik oldukları Hilâl-i Ahmer-i Osmanî Cemʻiyeti, mecrûhların yaralarını sar- mak, hastaların marazlarını tedâvî, maktûlleri defin ve tekfin etmek gibi insânî vazîfeler ile mükellef- dir. Hilâl-i Ahmer, bilâ-tefrîk-ı cins ve milliyet bütün muhtâcîne yani Türk'e, Yunan'a, Türk askerine, düşman askerine takayyüdât-ı lâzımeyi ibzâl ediyor. Zîrâ Osmanlıların seciyesi, kendi düşmanlarının dahi mecrûh ve maktûllerini ihmâl etmeğe müsâʻade etmeyecek kadar civân-merd ve yüksekdir". Hilâl-i Ahmer Mecmûʻası , Tunuslu refîkimize arz-ı teşekkür ederek muhterem Tunusluların mütevâlî himmet ve muʻâvenetlerine intizâr eder. _______________ Hilâl-i Ahmer Mecmûʻası ve Salîb-i Ahmerler Mecmûʻamızı târîh-i intişârından iʻtibâren adedleri otuz sekize bâliğ olan muhtelif Salîb-i Ah- mer Cemʻiyetlerine göndermekdeyiz. Hilâl-i Ahmer Mecmûʻası 'nın teʼsîs ve neşri bütün Salîb-i Ah- mer Cemʻiyetlerince mazhar-ı takdîr olduğu cemʻiyât-ı mezkûreden gelen mektûblar mündericâtından anlaşılmakdadır. Bu hemşîre cemʻiyetler meyânında iki dânesinin fevkalâde teveccüh ve nezâhetini ayrıca kayıd ve tezkâr etmeği vecîbeden addederiz. Bunlardan birincisi, Beynelmilel Salîb-i Ahmer Cemʻiyeti'dir ki, Cenevre Osmanlı mümessiline mürâcaʻat ederek Beynelmilel Salîb-i Ahmer Mec- mûʻası 'na derc edilmek üzere Hilâl-i Ahmer Mecmûʻası 'nın bazı parçalarını terceme edebilecek bir mütercimin irâesini ricâ etmişdir. Cenevre Osmanlı mümessili Beynelmilel Salîb-i Ahmer Cemʻiye- ti'nin bu arzusunu, Hâriciye Nezâretimize arz eylemiş, nezâret-i müşârunileyhâ dahi Hilâl-i Ahmer'i keyfiyetden haberdâr etmişdir. Cemʻiyetimiz îcâb eden muʻâmeleye sürʻatle tevessül ederek Beynel- milel Salîb-i Ahmer Heyʼet-i muhteremesinin bu arzusunu yerine getirdi. İkincisi, İsveç Salîb-i Ah- meri'dir. Bu hemşîre cemʻiyet, mecmûʻamızın ilk numarasından ilk sahîfenin fotoğrafîsini çıkartarak kendi mecmûʻasına aynen nakil ve derc ve o sahîfenin İsveççe tercemesini dahi ayrıca neşretmişdir. Hilâl-i Ahmer'e Hâricden Gelen Muʻâvenetler Hind meşâhîr-i mütefekkirîninden olup Londra'da ikâmet buyuran muhterem Emir Ali hazretle- ri, [79] İstanbul ve civârında iskân edilmiş olan muhâcirler uğrunda sarf edilmek üzere İngiliz Hilâl-i Ahmeri nâmına Osmanlı Hilâl-i Ahmeri'ne 500 İngiliz lirası, Yafa'da Hilâl-i Ahmer İʻânesi Komis- yonu nâmına mezkûr komisyon reîsi müftî-i sâbıkı Muhammed Tevfik ed-Dücanî Efendi'den 1.000 İngiliz lirası, Amerika'da Arjantin Cumhûriyeti'nin pâyitahtı olan Buenos Aires şehrinde müteşekkil Hilâl-i Ahmer Komitesi nâmına 400 İngiliz lirası, Cemâhîr-i Müttefika-i Amerika'da Vaytinsivil şeh- rinde mukîm Mamuretülaziz vilâyeti dâhilinde Harput kazâsına mülhak Borallı karyesi ahâlîsinden Kadri Lütfi Bey tarafından "iʻâne hâsılâtı" olmak üzere Hilâl-i Ahmer Müfettiş-i Umûmîsi Doktor Celâl Muhtar Beyefendi vâsıtasıyla 1.000 dolar, Cemâhîr-i Müttefika-i Amerika'da kâin New Orleans şehrinde mukîm Muhammed Modyanus Efendi tarafından 400 drahmi, Tunus'da el-Vezîr Gazetesi Müdürü et-Tayyib bin İsa Bey maʻrifetiyle 1.650 Fransız frangı (Bu meblağın müfredâtı: Muhammed el-Fayisî Bey 100, Zedur Muhammed İbrahim Bey 500, el-Hâc Veledü'l-Hâc Bezyan Efendi 1.000,