HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 107 Muhammed Veledü'l-Habîb el-Vehratî Bey 50), Cemâhîr-i Müttefika-i Amerika'nin Michigan eyâle- tinde kâin Kalamazoo şehrinde mukîm Michigan Central Demiryolu Kumpanyası Taʻmîrât Müfettişi Nasliç eşrâfından Halil Beyzâde Osman Nuri Bey maʻrifetiyle şehr-i mezkûrda bulunan müslümân- lardan cemʻ olunan 120 İngiliz lirası, Mısır'da Süveyş kasabasında icrâ-yı tabâbet eden Ahmed Cev- det Bey tarafından 12 Mısır lirası mukâbili olan 9.156 kuruş vürûd etmişdir. Hilâl-i Ahmer bütün bu müteberriʻîn ve mütevassıtîn-i kirâma alenen takdîm-i teşekkürât eder. _______________ Yunanistan'da Türk ve Anadolu'da Yunan Üserâsı Ankara Büyük Millet Meclisi Müdâfaʻa-i Milliye Vekâleti, Yunanistan'da bulunan Türk üserâ- sının ahvâl-i esef-iştimâlini tedkîk etmek ve bunların dûçâr oldukları sefâlet ve mezâlime bir nihâyet vermek maksadıyla Yunanistan'da Türk üserâsının bulundukları garnizonlara bî-taraf bir heyʼet-i tah- kîkiye iʻzâmını, Hilâl-i Ahmer vâsıtasıyla Beynelmilel Hilâl-i Ahmer Cemʻiyeti'nden ricâ etdi. Aynı zamânda Anadolu'daki Yunan üserâsının ahvâlini teftîş etmek üzere diğer bir bî-taraf heyʼetin dahi Anadolu'ya kabûl edileceğini bildirdi. Hilâl-i Ahmer, Müdâfaʻa-i Milliye Vekâleti'nin bu arzusunu derhâl ve telgraf ile Beynelmilel Salîb-i Ahmer Heyʼeti'ne iblâğa müsâraʻat eyledi. _______________ Yunanistan'daki Osmanlı Esîrlerinin Hâl-i Perîşânîsi Geçen nüshamızda, Yunanistan'daki Osmanlı esîrlerinin taraf taraf sû-i muʻâmeleye hedef ol- duklarını ve Hilâl-i Ahmer'in geçen ayın yirmi ikisinde, mevzûʻ-ı bahis sû-i muʻâmeleye âid tafsîlâtı hâvî 13 mâddelik müdellel bir rapor tanzîm ederek Beynelmilel Salîb-i Ahmer Cemʻiyeti'ne gönder- diğini yazmış idik. Muhteviyât-ı mühimmesine binâen bu raporu aynen derc ediyoruz: [80] 1-Yunanistan'da mevcûd bi'l-umûm Türk üserâsı zâbitleri, kimse ile ihtilât etdirilmemek üzere hapishâne hayâtı yaşamakda, yemek pişirmek, çamaşır yıkamak, odalarını süpürmek gibi her dürlü hizmetler kendilerine îfâ etdirilmekdedir. 2-Haftada Pazartesi ve Perşembe günleri, zâbitân öğleden sonra iki defa sâʻat dört ile beş ara- sında birer nefer refâkatlerinde sâʻat sekize kadar yiyeceklerini ve ihtiyâclarını bizzât tedârük etmek üzere çarşıya bırakılmakdadır. 3-Bulundukları hapishâne binâsında kendileri umûmiyetle ihtilâtdan menʻ edilerek bu bîçârele- re bütün maʻnâsıyla şiddetli bir hapis hayâtı yaşatdırılmakdadır. 4-Cebhelerde yaralı olarak esîr edilen zâbitân efendiler hastahânelerde hüsn-i tedâvî edilmek- sizin hapishâneye sevk edilmekde ve doktorlar tarafından lüzûm gösterilen masaj ameliyâtına da hapishâne müdürü tarafından mümânaʻat edilerek bu vechile Türk zâbitlerinin maʻlûl kalmalarına sebebiyet verilmekdedir. 5-Cebhelerde mecrûh olmayarak esîr edilmiş zâbitân efendilerin kâffesi elbiseleri soyulmuş, paraları alınmış ve darb edilmiş oldukları hâlde yollarda her dürlü hakâretlere maʻrûz bırakılmak sûretiyle Atina'ya sevk edilmişlerdir. 6-Atina'da aylarca kendilerine maʻâş verilmeyerek muhâbere ile vakit geçirilmiş ve bu sûretle