HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 112 Hilâl-i Ahmer bu tezkerenin metni ile tercemesini, metn-i tezkerede mevzûʻ-ı bahis vesâikin tercemelerini Beynelmilel Salîb-i Ahmer Mecmûʻası 'na derc olunması ricasıyla Beynelmilel Salîb-i Ahmer Cemʻiyeti'ne gönderdi. _______________ Beynelmilel Salîb-i Ahmer Cemʻiyeti, Biri Yunanistan'a, Diğeri Anadolu'ya İki Heyʼet Gönderiyor. Ankara Hükûmeti'nin talebi üzerine Beynelmilel Salîb-i Ahmer Cemʻiyeti Yunanistan'da bulu- nan Osmanlı ve Anadolu'da bulunan Yunan üserâsının ahvâline dâir tahkîkâtda bulunmak maksadıyla iki heyʼet göndereceğini telgraf ile Hilâl-i Ahmer Cemʻiyeti'ne bildirdi. Bu iki heyʼet, vazîfelerine başlamak üzere yakında İsviçre'den hareket edeceklerdir. _______________ Ankara Hükûmeti bî-Taraf Bir Heyʼet-i Tahkîkiye İstiyor. Eskişehir'den iʻtibâren mahall-i mezkûr ile Sakarya nehrinin öbür yakası arasında kâin kasa- ba ve köylerde Yunanîlerin îkâʻ etdikleri tahrîbâtı âlem-i medeniyete bildirmek arzusunda bulunan Ankara Hükûmeti Hâriciye Vekâleti, Beynelmilel Salîb-i Ahmer Heyʼeti'ne uzun bir telgraf çekerek tahrîbât-ı mezkûreyi yakından görmek ve bu müşâhedâta istinâden yazılacak raporu medenî âleme neşir ve taʻmîm eylemek üzere o havâlîye bî-taraf bir heyʼet-i tahkîkiye iʻzâmını musırrâne taleb ve ricâ etmişdir. _______________ Ankara Hükûmeti ve Harb Âfet-zedegânı Hilâl-i Ahmer'in Ankara murahhaslığından merkez-i [85] umûmîye âtîdeki tahrîrât vârid ol- muşdur: "YunanlılarınAnadolu'da yakdıkları İslâm köylerinin yeniden inşâsı ve erkekleri şehîd ve bütün mevâşîsi ve emvâli gasb u imhâ edilerek aç ve sefîl, açıkda kalan binlerce köylü eytâm ve erâmilinin infâk u iʻâşesi için iʻâne derci maksadıyla Beynelmilel Salîb-i Ahmer Cemʻiyeti'yle Mısır, Hindistan, Arabistan gibi zengin İslâm memleketlerine mürâcaʻat olunması ve bu maksadın teʼmîni zımnında elsine-i muhtelifede risâleler tabʻı ve tevzîʻi ve tahrîb edilen menâtıkı gezmek üzere câsûsluk ve düşmana tarafgirlik etmeyecek seciyede bî-taraf heyʼetlerin celbi ve bu bâbdaki teşebbüsât ve netâyi- cinden peyderpey maʻlûmât iʻtâsı Hâriciye Vekâleti'nden bâ-tezkere işʻâr edilmiş olduğundan ehem- miyet-i azîmesi derkâr olan bu husûsun nazar-ı dikkat ve ehemmiyete alınarak muktezâsının îfâsına sürʻat-i delâlet ve inâyetleri son derece müsterhamdır. Fî 27 Teşrîn-i Evvel 1337 [27 Ekim 1921] Hilâl-i Ahmer Murahhası İsmail Besim»