HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 113 Hilâl-iAhmer Cemʻiyeti, velîʻahd-ı saltanat hazretlerine teşekkürât-ı bî-nihâyesini arz u takdîm eder. _______________ Davudpaşa Muhâcirleri 28 Teşrîn-i Sânî 1337 [28 Kasım 1921] târîhine musâdif Pazar günü Amerika meşâhîr-i ağniyâ- sından Mister Chester ile Madam Chester ve Viyana Sefâret-i Seniyyesi Müsteşârı Black Bey ve refî- ka-i muhteremesi [86] refâkatlerinde Hilâl-i Ahmer Kâtib-i Umûmîsi Doktor Hikmet Bey ve merkez-i umûmî meʼmûrlarından Macid Bey bulunduğu hâlde Davudpaşa Kışlası'nda iskân olunup iʻâşeleri kısmen Hilâl-i Ahmerce teʼmîn edilmekde olan muhâcirleri ziyâret etmişlerdir. Züvvâr-ı kirâm bu bîçârelerin hâl-i perîşânîlerinden son derece müteessir ol- muşlar ve Mister ve Madam Chester Amerika'ya avdetlerinde bu muhâcirlere bezl-i muʻâvenet edilmesi için teşebbüsât-ı lâzıme- de bulunacaklarını vaʻd eylemişlerdir. Müfârakatlarından evvel Madam Chester, muhâcir çocuklarına ekmek mübâyaʻa ve tevzîʻ edilmek üzere elli lira bırakmışdır. Hilâl-i Ahmer bu muhterem Amerikalılara, muhâcirlerimiz nâmına arz-ı şükrân eder. *** Hilâl-i Ahmer, geçen Teşrîn-i Sânî zarfında Davudpaşa'da- ki muhâcirlere 13.954 kilo ekmek tevzîʻ etdi. Bundan mâʻadâ cemʻiyetimiz muhâcirlere 4.576 yasdık, 1.200 tava, 700 havlu, 620 çorab (uzun konçlu), 250 Amerikan donu, 320 gömlek, 123 fes, 150 mintan, 280 picama, 200 şilte, 36 çocuk takımı, 19 kurbân postu, 3.127 yün çorab, 155 yün fanila verdi. Muhâcirlere verilen son iki kalem yani çorab ve fanila, Hilâl-i Ahmer'in kendi maʻmûlâtındandır. _______________ İngiliz Salîb-i Ahmer Cemʻiyeti ve Muhâcirlerimiz İngiliz Salîb-i Ahmer Cemʻiyeti, İstanbul ve civârında bu- lunan Rus muhâcirlerinin ahvâlini tedkîk etmek üzere İstanbul'a Yüzbaşı Philipps'i iʻzâm etmişdir. Mûmâileyh 28 Teşrîn-i Evvel 1337 [28 Ekim 1921] târîhine musâdif Pazartesi günü refâkatin- de Muhâcirîn Müdür-i Umûmîsi Hamdi Bey, Beynelmilel Salîb-i Ahmer Komitesi İstanbul Murahhası Mösyö Burnier, Hilâl-i Ah- mer meʼmûrlarından Ali Macid ve Bedri Nedim Beyler bulundu- ğu hâlde, Davudpaşa Kışlası'nda, Eyüb'de İplikhâne Kışlası'nda ve Cerrâhpaşa Câmiʻ-i Şerîfi'nde iskân edilmiş olan muhâcirler ile Harbiye Nezâreti Erkân-ı Harbiye Dâiresi ve Gülhane civâ- rında inşâ edilmiş olan barakalardaki muhâcirleri ziyâret etmişdir. Hilâl-i Ahmer'e takrîben bir milyon lira kıymetinde elbise, ilâc, sargı ve eşyâ-yı sâire ihdâ eden Amerika Salîb-i Ahmer Cemʻiyeti'nin İstanbul şuʻbesi reîsi muhterem Binbaşı C. Claflin Davis cenâbları Major C. Claflin Davis, Président de la Croix-Rouge Américaine, branche de Constantinople, Le Croissant- Rouge se fait un devoir de lui exprimer publiquement sa reconnaissance et ses remerciements pour les dons consistant en divers articles qu'il lui a faits, articles évalués à un million de Livres Turques