HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 114 Yüzbaşı Mister Philipps bu zavallı muhâcirlerin dûçâr oldukları sefâletden müteessir olmuş, meşhûdâtı hakkında İngiliz Salîb-i Ahmeri'ne bir rapor göndereceğini vaʻd etmiş, diğer tarafdan bu şerâit dâhilinde ve bu sefâlet yuvalarında gördüğü âsâr-ı nezâfetden dolayı da ayrıca beyân-ı hayret ve takdîr eylemişdir. _______________ İngilizlerin Muhâcirlerimize İʻânesi Düyûn-ı Umûmiye-i Osmaniye Meclis-i İdâre Reîsi Sir Adam Block cenâbları geçende Hilâl-i Ahmer Merkezi'ne bizzât gelerek bazı İngiliz mehâfilinin Hilâl-i Ahmer maʻrifetiyle muhâcirlerimize yardım etmek üzere teşebbüsâtda bulunduklarını Hilâl-i Ahmer Reîs-i Sânîsi Hâmid Beyefendi'ye söylediler. Hâmid Beyefendi, Sir Adam Block cenâblarına, muhâcirîn nâmına beyân-ı teşekkür etdi. [87] Muhâcirlere 250 Battâniye İhdâsı Mîralây Procter'in taht-ı riyâsetinde teşekkül etmiş olan İngiliz Muʻâvenet Heyʼeti, bu defa muhâcirîn-i İslâmiye'den en ziyâde muhtâc olanlara tevzîʻ edilmek üzere Hilâl-i Ahmer'e 250 battâ- niye göndermek lütfunda bulundu. Hilâl-i Ahmer, Mîralây Procter cenâblarıyla İngiliz Muʻâvenet Heyʼeti'ne arz-ı teşekkür eder. _______________ Fransızların Muhâcirlerimize Yardımı Muhâcirîn-i İslâmiye için iʻâne cemʻ etmek maksadıyla Paris'de bir muʻâvenet heyʼetinin te- şekkül etdiği ve riyâsetine Fransa reîsicumhûru maʻiyetine meʼmûr sefîr pâyesini hâiz Mösyö Vig- non'un meʼmûr edildiği ve esbak Fransa Reîsicumhûru müteveffâ Mösyö Carnot'nun zevcesi Madam Carnot'nun da bu heyʼete âid Paris Kadınlar Cemʻiyeti'nin riyâsetini derʻuhde edeceği, Hilâl-i Ahmer Cemʻiyeti'nin bu gibi mesâil ile alâkadâr bulunmasına binâen Hâriciye Nezâreti tarafından cemʻiye- timize teblîğ edildi. Diğer tarafdan bilhâssa bu mesʼele ile iştigâl etmek üzere sâbık Düyûn-ı Umûmiye-i Osmaniye Meclis-i İdâre Reîsi Mösyö de la Boulinière cenâbları Dersaadet'e gelerek Hilâl-i Ahmer Merkez-i Umûmîsi Reîs-i Sânîsi Hâmid Beyefendi ile bu husûs hakkında müdâvele-i efkâr etdi. Bu muʻâve- netin Fransız Salîb-i Ahmeri ile Osmanlı Hilâl-i Ahmeri tarafından müştereken idâre ve îfâ edilmesi karârlaşdırıldı. Hâmid Beyefendi bu lütuf ve muʻâvenetden dolayı Mösyö de la Boulinière'e arz-ı teşekkür etdi. Bunu müteʻâkib Mösyö de la Boulinière, refâkatinde Ali Macid Bey olduğu hâlde muhâcirlerin iskân edildikleri mahalleri ziyâret eyledi. _______________