HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 115 Mister Doughty Willy'nin Cerrahpaşa Aşhânesi Dersaadet'de bulunan İngiliz kibâr-ı nisvânından Misters Doughty Willy kendi nâmına Hilâl-i Ahmer tarafından küşâd edilecek bir aşhânede muhâcirîn-i İslâmiye'den bazılarını dört ay itʻâm et- mek üzere Hilâl-i Ahmer meʼmûrlarından Ali Macid Bey vâsıtasıyla Hilâl-i Ahmer Cemʻiyeti'ne 400 İngiliz lirası tevdîʻ etmişdir. Hilâl-i Ahmer, bu muhterem kadının iʻânesiyle Cerrahpaşa'da dört ay zarfında her gün 250 muhâciri itʻâm edebilecek bir aşhâne açdı. Misters Doughty Willy, Balkan Harbi'nde Hilâl-i Ahmer işlerine iştirâk etmiş asîl bir Türk mu- hibbesidir. Lütuf ve iʻânelerinden dolayı kendilerine Hilâl-i Ahmer ve muhâcirîn nâmına alenen arz-ı şükrân ederiz. *** 12 Kânûn-ı Evvel 1337 [12 Aralık 1921] târîhine musâdif Pazartesi günü sâʻat on ikiyi çâryek geçerek, muhterem Misters Doughty Willy, General Franks cenâbları, zevce ve kerîme-i muhtereme- leri, Aliye Macide Hanım, Yâver Mülâzım-ı Evvel Holland, Hilâl-i Ahmer Müfettiş-i Umûmîsi Celâl Muhtar Beyefendi, Hilâl-i Ahmer Dispanserler Müfettişi Doktor Galib Hakkı Bey ve Ali Macid Bey bu aşhânenin resm-i küşâdında [88] hâzır bulundular. Ali Macid Bey, muhâcirlere hitâben makâma münâsib birkaç söz söyledikden sonra Misters Doughty Willy'nin nâmını âverde-i zebân-ı şükrân ederek kendisine muhâcirler nâmına alenen beyânı minnetdârî eyledi. Doktor Celâl Muhtar Bey'in teklîfi üzerine Matmazel Franks, Madam Doughty Willy Aşhâne- si'nin fahrî müfettişeliğini kabûl ile haftada dört gün aşhânenin tevzîʻâtına nezâret eylemeği vaʻd etdi. Bunu müteʻâkib yemek tevzîʻâtına mübâşeret edildi ve tevzîʻât sâʻat birde intizâm-ı tâm dâire- sinde resîde-i hitâm oldu. _______________ Davudpaşa Muhâcirlerine 700 Liralık Teberruʻ İsmini zikretmek istemeyen bir hanımefendi Davudpaşa'daki muhâcirlere verilmek üzere yedi yüz lira teberruʻ etdi. Meblağ-ı mezbûr Hilâl-i Ahmer meʼmûrları vâsıtasıyla ve muhterem hanıme- fendinin vekîlleri huzûrunda muhâcirlere yeden be-yed tevzîʻ edilmişdir. İsmini ketm etmek ile teberruʻunun kıymetini bir kat daha artıran bu muhterem hanımefendiye teşekkürât-ı mahsûsamızı alenen takdîm etmekle iftihâr ederiz. _______________ Mısır Hilâl-i Ahmeri'nin Anadolu'ya Muʻâveneti Geçen nüshamızda Mısır Hilâl-i Ahmer Cemʻiyeti'nin Anadolu muhâcirlerine beş bin İngiliz lirası gönderdiğini kaydetmiş idik. Bu defa da muhterem hemşîremiz yine Hilâl-i Ahmer vâsıtasıyla aynı maksada sarf edilmek üzere Anadolu'ya tekrâr beş bin İngiliz lirası ile malzeme-i eczâiyeyi muh- tevî otuz iki sandık eşyâ gönderdi.