HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 116 Mısır Hilâl-i Ahmeri ile teberruʻâtda bulunan zevât-ı kirâma şükrân ve minnetdârlığımızı tak- dîme müsâraʻat ederiz. _______________ Ukrayna Salîb-i Ahmeri'nin Türkiye Murahhası Ukrayna Salîb-i Ahmer Cemʻiyeti, Ukrayna'nın sâbık Petersburg General Konsolosu Mühen- dis Mösyö Sergey Vezolovski'yi Türkiye murahhaslığına taʻyîn etdiğini Hilâl-i Ahmer Cemʻiyeti'ne bildirdi. Bu kere mûmâileyh Vezolovski İstanbul'a vâsıl olarak muhtâc-ı iʻâne olan Ukraynalıların işleriyle iştigâle başlamışdır. Hilâl-i Ahmer, Ukrayna Salîb-i Ahmer Cemʻiyeti'nin muhterem murah- hasını memnûniyetle selâmlar ve mühim vazîfesinde mazhar-ı muvaffakiyet olmasını temennî eder. _______________ Mîralây Cafer Tayyar Bey Mesʼelesi Esîr-i harb sıfatıyla Atina'da bulunmakda olan Mîralây Cafer Tayyar Bey'in ahîren Yunanlılar tarafından câsûsluk ile ithâm edilerek Askerî Dîvân-ı Harbi'ne gönderildiğini İstanbul'da intişâr eden bazı Rumca gazeteler yazmışlar idi. Cafer Tayyar Bey'in zevcesi, zevcine atfolunan bu iftirâyı ve bu vesîle ile mûmâileyh hakkında revâ görülen sû-i muʻâmeleyi protesto etmek ve Beynelmilel Salîb-i Ahmer Cemʻiyeti'nin tavassutu taleb edilmek üzere Hilâl-i Ahmer Cemʻiyeti'ne tahrîren mürâcaʻat eyledi. Hilâl-i Ahmer, mûmâileyhâ tarafından alınan mektûb mündericâtından bahis ile, Beynelmilel Salîb-i Ahmer Cemʻiyeti nezdinde îcâb eden teşebbüsâtda bulundu. _______________ [89] Cenevre Mukâvelenâmesi'ne Tecâvüz Raporu Harb-i zâil esnâsında düşman tarafından Cenevre ve Lahey Mukâvelenâmeleri ahkâmına muhâ- lif bir sûretde dûçâr-ı taʻarruz ve tecâvüz olmuş olan berrî ve bahrî müessesât-ı sıhhiyemiz ile Hilâl-i Ahmer müessesât ve teşkîlât-ı sıhhiyesi hakkında Hilâl-i Ahmer Merkez-i Umûmîsi aʻzâsından Ay- nîzâde Hasan Tahsin, Fazlı Necib ve Kilisli Doktor Rifat Beyler tarafından kaleme alınan uzun ve müdellel rapor Fransızcaya terceme edilerek evvelce vukûʻ bulan talebine mebnî Beynelmilel Salîb-i Ahmer Cemʻiyeti'ne gönderilmişdir. _______________ Hilâl-i Ahmer Merkez-i Umûmîsi'nin Mukarrerâtı Hilâl-i Ahmer Merkez-i Umûmîsi'nin Teşrîn-i Sânî 1337 [Kasım 1921] ictimâʻında ittihâz edil- miş olan mukarrerâtın başlıcaları: 1-Ankara Hilâl-i Ahmer Murahhaslığı'nın Yunan mezâlimi hakkındaki mektûbu ile melfûfunun Fransızcaya terceme edilerek Beynelmilel Salîb-i Ahmer Cemʻiyeti'ne irsâli ve aynı mektûbun münâ- sib görülecek şekilde iʼtilâf devletleri mümessillerinin semʻ-i ıttılâʻına dahi îsâli ile Ankara'dan bu bâbda vesâik ve bâ-husûs fotoğraf taleb olunması,