HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 4 117 2-Ayıntab ve havâlîsine bir Hilâl-i Ahmer heyʼetinin iʻzâmı için Ankara Hilâl-i Ahmer Murah- haslığı'nın nazar-ı dikkati celb edilmesi, 3-Cemʻ-i İʻâne Komisyonları maʻrifetiyle toplanan paralar için verilecek madalyaların, yine mezkûr komisyonlar vesâtatıyla ashâbına iʻtâ olunması, 4-Ankara Hilâl-i Ahmer Murahhaslığı'nın tarz-ı idâre ve salâhiyeti hakkında ittihâz edilen mu- karrerâtın mezkûr murahhaslığa teblîğ olunması, 5-Cenevre Mukâvelenâmesi'ne vukuʻ bulan tecâvüzleri müsbet vesâik bir araya cemʻ edilerek Beynelmilel Salîb-i Ahmer Cemʻiyeti'ne bir rapor şeklinde irsâl olunması, 6-Hilâl-i Ahmer'e muʻâvenetleri sebk eden bazı zevâtın Hilâl-i Ahmer madalyalarıyla taltîf edilmeleri teklîfinin kabûl edilmesi _______________ TALTÎFÂT Hilâl-i Ahmer Cemʻiyeti'ne muʻâvenet-i külliyede bulunmuş olan Amerika Salîb-i Ahmer Cemʻiyeti'nin Dersaadet Şuʻbesi Müdürü Binbaşı C. Claflin Davis, Levâzım Müdürü Binbaşı W. H. Day, Tabîb Mister Sullivan'a alâmet-i mahsûsalı gümüş ve Muhâsebeci Yüzbaşı William M. Milner ve Veznedâr Mister M. S. Whitconb'a alâmet-i mahsûsalı tunç Hilâl-i Ahmer madalyaları ihsân bu- yurulmuşdur. Hilâl-i Ahmer Cemʻiyeti, bu muhterem dost ve meslekdâşlarını tebrîk ve Hilâl-i Ahmer'e vukûʻ bulan muʻâvenetlerinden dolayı kendilerine tekrâr arz-ı teşekkürât için bu fırsatdan dahi istifâde eder. *** İzmit'in Yunanîler tarafından tahliyesi esnâsında pek müstesnâ yararlık göstererek yüzlerce müslümânın tahlîsine muvaffak olan Fransız Yüzbaşısı Mösyö Delor'a alâmet-i mahsûsalı gümüş, General Franks Heyʼet-i Tahkîkiyesi refâkatinde bulunmuş olan Yüzbaşı Stone ile nakl-i muhâcirîn heyʼetinde İtalyan emirberi olup fevkalâde fedâkârlığı meşhûd olan Onbaşı Fanelli'ye alâmet-i mah- sûsalı tunç madalyaları ihsân buyurulmuşdur. [90] Hilâl-i Ahmer, madalyasının bu yeni ve gayûr hâmillerini tebrîk eder. *** Hilâl-i Ahmer'e vukuʻ bulan kıymetdâr teberruʻundan dolayı Peyâm-Sabâh gazetesine alâmet-i mahsûsasız bir kıtʻa tunç Hilâl-i Ahmer madalyası ihsân buyurulmuşdur. Hilâl-i Ahmer'e maʻnen ve mâddeten yardım eden bu gazeteyi tebrîk ve himmet-i vâkıʻasından dolayı arz-ı teşekkür ederiz. *** Osmanlı Seyr-i Sefâin İdâresi'ne mensûb Gülnihâl vapurunun birinci kamarasına taʻlîk olun- mak üzere bir kıtʻa alâmet-i mahsûsalı gümüş Hilâl-i Ahmer madalyası iʻtâ olunmuşdur. _______________