HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 140 [103] iʻâde-i hürriyetleri zımnında vâkiʻ olacak teşebbüsât müntic-i muvaffakiyet olabilir. Bâlâda ismi geçen Mösyö Hanry Goto fikr-i çâkerâneme tamâmen müşterek bulunduğundan Doktor Nan- sen'e verilmek üzere tanzîm etdiği raporunda bundan bahsedecek ve reʼsen bu mesʼelenin tezekkürü- ne tehyie-i zemîn eyleyecekdir. Bu bâbda hükûmet-i seniyye tarafından da teşebbüsât-ı mukteziyede bulunulmak pek muvâfık olur mütâlaʻa-i kâsırânesindeyim". *** Haimai-Maru üserâsına refâkat etmek üzere Beynelmilel Salîb-i Ahmer Cemʻiyeti tarafından Pire'ye iʻzâm edilen Murahhas Mösyö Hanry Goto, Beynelmilel Salîb-i Ahmer Mecmûʻası 'nın 15 Teş- rîn-i Sânî 1921 târîhli ve 35 numaralı nüshasında müşâhedât ve ihsâsâtına dâir bir rapor neşretmişdir. Bu raporun son kısmını da ehemmiyetine binâen iktibâs ediyoruz: "-Asinara'ya iskân edilmiş olan üserâ, Beynelmilel Salîb-i Ahmer Cemʻiyeti ile Doktor Nansen cenâblarına haklarında yapılan her dürlü teshîlâtdan dolayı teşekkürât-ı samîmânelerini ve memleket- lerine iʻâde edilmeleri için teşebbüsât-ı lâzımede bulunarak Asinara'da unutulmamak istirhâmını size iblâğ etmemi ricâ etdiler. Ben de şahsım iʻtibârıyla üserânın bu arzusuna kemâl-i harâret ile iştirâk ederek derim ki, Asinara'da ikâmete mâddeten tahammül edilebilirse de maʻnen tahammül edilemez. Asinara tamâmen çöl gibi bir ada olup İtalya Hükûmetince menfâ ittihâz edilmişdir. İstihsâl etdiğim maʻlûmâta göre, el-yevm adada beş yüz kalʻabend ile bunları muhâfazaya meʼmûr birkaç zât vardır. Bu sonuncular kendilerini bir nevʻ menfî addediyorlar. Adada nebâtâtdan hemen hemen eser olmadığı gibi içilecek su bile -havâ müsâʻid ise- Porto Torres'den sahrınç gemisi ile getirilmekdedir. Burada menâbiʻ-i fikriye tamâmıyla mefkûddur. Bu şerâit dâhilinde Asinara'da temdîd-i ikâmet, esîrlerin ahvâlini tehvîn etmeğe sâʻî bi'l-cümle resmî lütuflara rağmen pek ağırdır. Hattâ Asinara'daki ikâmet, bu bîçârelerin vaktiyle bulundukları Sibirya üserâ karârgâhları ile mukâyese edilecek olur ve bu son memleketde şerâit-i hayâtiye pek fenâ olmakla berâber 1917 senesinden beri üserânın hürriyet-i şah- siyeleri iʻtibârıyla hemen hemen serbest bulunmuş olduklarına bakılır ise, Asinara'da yaşamanın ne kadar müşkil ve gayr-ı kâbil-i tahammül olduğu vehleten ve kendi kendiliğinden anlaşılır". _______________ Yunanistan'daki Türk ve Anadolu'daki Yunan Esîrlerinin Esâmî Cedvelleri Harb esnâsında düşman eline düşecek askerlerin esâmî cedvelleri esîr alan hükûmetlerce tertîb ü tanzîm edilerek mezkûr cedvellerin Salîb-i Ahmerler vâsıtasıyla üserânın mensûb oldukları hükûmet- lere irsâl ve teblîğ edilmesi kâʻidedendir. Hilâl-i Ahmer Cemʻiyeti Yunanistan'daki Türk esîrlerinin esâmî listelerini taleb eylediği hâlde Yunan Hükûmeti şimdiye kadar cemʻiyetimizin bu metâlibine ehemmiyet vermemekde idi. Cemʻiyetimiz, aynı mesʼele hakkında defalarca Yunan Salîb-i Ahmeri'ne dahi mürâcaʻat ederek Yunan Hükûmeti nezdinde tavassutda bulunmasını ricâ etdi. Bu kere Yunan Salîb-i Ahmeri'nden vürûd eden cevâbda Yunanistan'daki Türk üserâsının esâmîsini hâvî dört cedve- lin gönderildiği yazılıyor. Hâlbuki Hilâl-i Ahmer şu son altı ay zarfında ancak îzâhât-ı lâzımeyi yani üserânın mensûb oldukları kıtaʻâta dâir tafsîlât ile âilelerinin adreslerini ihtivâ etmeyen iki cedvel alabildi. Diğer tarafdan Ankara Büyük Millet Meclisi Müdâfaʻa Vekâleti, Hilâl-i Ahmer vâsıtasıyla Yunan esîrlerinin esâmîsini hâvî tafsîlâtlı dört cedveli →

RkJQdWJsaXNoZXIy NTY0MzU=