HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 141 [104] Cerrahpaşa'da açılan Doughty Willy Aşhânesi'nin resm-i küşâdını gösteren grup Bir nısf-ı dâire şeklinde ahz-ı mevkiʻ edenler (sağdan sola): Hilâl-i Ahmer'in anbârında pişirilen yemeği muhâcirlere tevzîʻ etmeğe mahsûs seyyâr matbah arabası, 2-Aliye Macid Hanım, 3-Hilâl-i Ahmer Müfettiş-i Umûmîsi Müderris Doktor Celâl Muhtar Beyefendi, 4-General Franks cenâbları, 5-Aşhâne Müfettişesi Matmazel Franks, 6-Ali Macid Bey, 7-Madam Doughty Willy Groupe pris lors de la cérémonie de lʼinauguration de la cuisine Doughty Willy De droite à gauche: 1-La cuisine ambulante du Croissant-Rouge, 2-Alié Madjid Hanoum, 3-Prof. Dr. Djélal Moukhtar Bey, inspecteur général du Croissant-Rouge, 4-Major Général Franks, 5-Mademoiselle Franks, inspectrice de la cuisine, 6-Ali Madjid Bey, 7-Madame Doughty Willy Yunanistan'a göndermek sûretiyle vazîfe-i insâniyetkârânesini bi-hakkın îfâ eylemiş idi. Hilâl-i Ahmer, Atina ve Ankara hükûmetlerinin bu husûsa âid hatt-ı hareketlerindeki fark-ı bârizi Yunan Salîb-i Ahmeri'ne yazarak işin ehemmiyetle telâkkî ve taʻkîb edilmesini yeni başdan taleb ve ricâ etdi. _______________ Beynelmilel Salîb-i Ahmer Heyʼeti Yunanistan'a ve Anadolu'ya Birer Heyʼet Gönderdi. Ankara Büyük Millet Meclisi Hükûmeti'nin talebi üzerine Beynelmilel Salîb-i Ahmer Heyʼeti, Yunanistan'daki Osmanlı ve Anadolu'daki Yunan üserâsının ahvâline dâir tahkîkâtda bulunmak üzere iki heyʼet [105] göndereceğini telgraf ile Hilâl-i Ahmer Cemʻiyeti'ne bildirmiş idi. Bu kere Beynel- milel Salîb-i Ahmer Heyʼeti'nden cemʻiyetimize vârid olan bir telgrafnâmede Mösyö Schatzmann'ın Yunanistan'a Doktor Roehrich'in Anadolu'ya murahhas taʻyîn edildikleri ve Doktor Roehrich'in 22 Kânûn-ı Evvel'de yola çıkdığı işʻâr edilmekdedir.