HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 142 Doktor Roehrich cenâbları Kânûn-ı Evvel'in 27'nci günü İstanbul'a gelerek Hilâl-i Ahmer Mer- kez-i Umûmîsi ile teʼsîs-i münâsebet eyledi. Müşârunileyh, maʻiyetine verilen Tercümân Mösyö Mery ile 7 Kânûn-ı Sânî'de Mersin tarîkıyla Anadolu'ya azîmet etmişdir. Diğer tarafdan Mösyö Sc- hatzmann, atîkiyât mütehassıslarından olup Türkçeye ve Yunancaya âşinâdır. Yunanistan'daki Maʻlûl Üserâmızın İʻâdesi İstanbul'daki Yunan fevkalâde komiseri İʼtilâf Devletleri fevkalâde komiserlerine mürâcaʻat ile Yunan Hükûmetince Yunanistan'daki maʻlûl Türk esîrlerinin iʻâdesine karâr verildiğini bildirmiş ve bu üserâyı tesellüm etmek üzere Osmanlı Hilâl-i Ahmeri tarafından bu husûs için Yunanistan'da teşekkül eden komisyona bir murahhas iʻzâm edilmesini ricâ eylemişdir. İʼtilâf Devletlerinin Dersa- adet fevkalâde komiserlerinden dahi Hükûmet-i Osmaniye'yi aynı keyfiyetden haberdâr eylemeleri üzerine mesʼele Meclis-i Vükelâ'da müzâkere edildikden sonra Yunan Hükûmeti'nin bu arzusu Hilâl-i Ahmer Cemʻiyeti'ne teblîğ edildi. Bunun üzerine Hilâl-i Ahmer, Yunan Fevkalâde Komiserliği'ne mürâcaʻat ederek mesʼele hakkında maʻlûmât-ı mütemmime istedi. Yunan Fevkalâde Komiserliği mürâcaʻat-ı vâkıʻadan bir hafta sonra Hilâl-i Ahmer'e bi'l-vâsıta verdiği cevâb-ı şifâhîde Yunan Hükûmeti'nin maksadı, Yunanis- tan'daki esîrlerimiz ile Anadolu'daki Yunan esîrlerini bir Hilâl-i Ahmer murahhası ile İʼtilâf Devletleri [106] tarafından taʻyîn edi- lecek birer aʻzâdan müteşekkil komisyon muvâcehesinde İstan- bul'da mübâdele eylemekden ibâret olduğunu ifhâm etdi. Yunan komiserliğinin İʼtilâf Fevkalâde Komiserlikleri vâsıtasıyla kendi- liğinden serd etdiği ilk teklîf ile bu son cevâbı arasında bâriz tezâd ve mübâyenet bulunduğu mezkûr komiserliğe cevâben tefhîm edilmişdir. Birkaç gün sonra Yunan Hükûmeti'nin bilâ-kayd ü şart maʻlûl Osmanlı üserâsını İstanbul'da teslîm etmeğe âmâde oldu- ğu işʻâr ve buna mukâbil Anadolu'daki maʻlûl Yunan üserâsının dahi iʻâde ve teslîmi için Türkiye Büyük Millet Meclisi Hükûmeti nezdinde tavassut ve delâletde bulunması Yunan Komiserliğince Hilâl-i Ahmer'den ricâ edilmişdir. Hilâl-i Ahmer bu bâbda Türkiye Büyük Millet Meclisi Hükûmeti nezdinde tavassutda bulunmağı kabûl eyledi. Mecmûʻamızın matbaʻaya verildiği zamâna kadar bu mesʼe- le hakkında yeni ve mütemmim maʻlûmât vürûd etmemiş idi. _______________ Mîralây Cafer Tayyar Bey Mesʼelesi Geçen nüshamızda esîr-i harb sıfatıyla Atina'da bulunmakda olan Mîralây Cafer Tayyar Bey'in Yunanlılar tarafından câsûsluk ile ithâm edilerek askerî dîvân-ı harbine verildiğini ve bu hâlin zevcesi tarafından Hilâl-i Ahmer vâsıtasıyla Beynelmilel Salîb-i Ahmer nezdinde protesto edildiğini yazmışdık. Beynelmilel Salîb-i Ahmer Cemʻiyeti bu bâbdaki protestoyu nazar-ı iʻtibâra aldığını Anadolu'da bulunan Yunan üserâsını teftîşe meʼmûr Beynelmilel Salîb-i Ahmer Murahhası Doktor A. W. Roehrich cenâbları Dr. A. W. Roehrich Délégué du Comité International de la Croix- Rouge. Dr. Roehrich a pour mission de visiter les camps des prisonniers grècs en Anatolie