HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 143 ve Yunan Salib-i Ahmer Cemʻiyeti nezdinde tahkîkât yapmakda olduğunu ve netîceyi bildireceğini Hilâl-i Ahmer Cemʻiyeti'ne işʻâr eyledi. *** Cafer Tayyar Bey mesʼelesi hakkında Harbiye Nezâreti'nden dahi Hilâl-i Ahmer'e bir tezkere-i resmiye vârid oldu. Bu tezkerede Yunanistan'da menâfiʻ-i Osmaniye'nin himâyesini derʻuhde etmiş olan Atina'daki Felemenk sefirinden Hâriciye ve Harbiye Nezâretlerine vukûʻ bulmuş olan işʻâra atfen Mîralây Cafer Tayyar Bey'den başka Binbaşı Ahmed ve Yüzbaşı Giridli Mehmed Beylerin dahi Yunanlılar tarafından hapsedildikleri mezkûrdur. Harbiye Nezâreti bu husûs için Beynelmilel Salîb-i Ahmer Heyʼeti nezdinde teşebbüsât-ı lâzımede bulunulmasını Hilâl-i Ahmer'den ricâ ediyor. Harbiye Nezâreti'nin bu tezkeresi üzerine Hilâl-i Ahmer, keyfiyeti Beynelmilel Salîb-i Ahmer Heyʼeti'ne telgraf ile bildirdi. Anadolu'daki Yunan üserâsını teftîşe meʼmûr edilen ve İstanbul'a daha yeni muvâsalat etmiş olan Doktor Roehrich, Kânûn-ı Evvel'in yirmi dokuzunda Cenevre'den çekilen bir telgrafnâmede, Beynelmilel Salîb-i Ahmer Cemʻiyeti'nin Mîralây Cafer Tayyar Bey hakkındaki evrâkı Yunanis- tan'daki üserâ-yı Osmaniye'yi teftîşe meʼmûr eylediği Mösyö Schatzmann'a teblîğ ve tevdîʻ eylediği bildiriliyor idi. Doktor Roehrich, mezkûr telgraf meâlinden Hilâl-i Ahmer merkezini, bir tezkere-i mahsûsa ile haberdâr eylemek lütfunda bulundular. _______________ [107] Muhâcirîn-i İslâmiye'[ye] İmdâd İngiliz Komitesi Dersaadet'de bulunan muhâcirîn-i İslâmiye'nin imdâdına gelmek üzere şehrimizde bir İngiliz komitesi teşekkül etmişdir. Komite aʻzâsı Düyûn-ı Umûmiye-i Osmaniye Meclis-i İdâresi Reîsi Sir Adam Block cenâbları, General Franks, İngiliz Salîb-i Ahmer Murahhası Yüzbaşı Philipps, Mister Arthur Baker, Madam Doughty Willy, Madam Cobham, Mülâzım Neville-Rolfe vesâir bazı zevâtdır. Komitenin îzâh-ı maksad eden beyânnâmesi geç vakit elimize vâsıl olduğundan metni gelecek nüshamızda derc edilmek üzere şimdilik bu hayırlı vakʻayı kemâl-i şükrân ile kaydeder ve yeni ko- miteye kemâl-i muvaffakiyet temennî ederiz: * Teşekkülünü yazdığımız bu muhterem İngiliz komitesi, muhâcirînin itʻâmına sarf etmek üzere Hilâl-i Ahmer'e 380 İngiliz lirası verdi. Bu para ile Çapa'da Vâlide Sultân Hastahânesi cenâhlarından birinde küşâd edilmiş aşhânede 250 dul kadın ile yetîm iʻâşe edilecekdir. Hilâl-i Ahmer kendilerine muhâcirlerimiz nâmına arz-ı şükrân eder. _______________