HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 144 Gâyet Mühim ve İnsânî Bir Teşebbüs Geçen sene Nisan'ında Cenevre'de inʻikâd eden Beynelmilel Onuncu Salîb-i Ahmer Kongresi, üserâ-yı harbiye, menfîler, bir mahallin tahliyesi dolayısıyla diğer mahalle naklolunanlar ile mülte- cîlerin vazʻiyet-i hukûkiyesini arîz u amîk tedkîk ederek Lahey Konferansı'nın bu bâbdaki ahkâmını ikmâl ve îcâb eder ise taʻdîl için bu gibilerin vazʻiyet-i hukûkiyesini tesbît etmek ve tâbiʻ olmaları lâzım gelen usûl ve idâre hakkında bazı kavâʻid vazʻ eylemek üzere hükûmetler arasında bir mukâve- lenâme akdedilmesini temennî ve bu mesʼele hakkında Cenevre Mukâvelenâmesi'ne vazʻ-ı imzâ eden devletlerin nazar-ı dikkatlerini celb eylemiş idi. Bu defa Beynelmilel Salîb-i Ahmer Cemʻiyeti'nin yeni bir taʻmîmiyle her Salîb-i Ahmer mensûb olduğu hükûmet nezdine bi'l-mürâcaʻa alâkadârânı konferansın bu bâbdaki temenniyâtı hakkında bir an evvel ittihâz-ı tedâbîre daʻvet etmesi ricâ edilmişdir. Hilâl-i Ahmer gâyet mühim olan bu mesʼele hakkında hükûmet-i seniyyenin nazar-ı dikkatini dahi celb etmeğe müsâraʻat eyledi. _______________ Doktor Roehrich Şerefine Ziyâfet Hâriciye Nâzırı Müşîr Ahmed İzzet Paşa hazretleri 4 Kânûn-ı Sânî 1338 [4 Ocak 1922] târîhi- ne musâdif Çarşamba akşâmı Beynelmilel Salîb-i Ahmer Cemʻiyeti Murahhası Doktor Roehrich'in şerefine, Ayaspaşa'daki konaklarında mükemmel bir ziyâfet vermişlerdir. Ziyâfetde Hilâl-i Ahmer Cemʻiyeti Reîs-i Sânîsi Müderris Doktor Âkil Muhtar Beyefendi ve diğer bazı zevât-ı muhtereme hâzır bulunmuşlardır. _______________ Cerrahpaşa'daki Doughty Willy Aşhânesi İngiliz kibâr kadınlarından Misters Doughty [108] Willy'nin teberruʻuyla Cerrahpaşa'da müte- berriʻa-i müşârunileyhânın ismine izâfeten bir aşhâne küşâd ve General Franks cenâblarının kerîme- leri tarafından mezkûr aşhâneye nezâret edilmesinin kabûl edildiği mecmûʻamızın son nüshasında yazılmış idi. Matmazel Franks, haftada dört gün Cerrahpaşa'ya gelerek aşhâne işlerine en küçük teferruʻâtına varıncaya kadar nezâret etmekde ve muhâcirleri, hâl ü hâtırlarını sormak sûretiyle taltîf eylemekdedir. Misters Doughty Willy, aşhâne sobasının taʻmîri için ayrıca 25 lira ve karanlık bir odada yaşa- yan bir muhâcir âilesine muʻâvenet olmak ve muhtâcîne ekmek mübâyaʻa edilmek üzere başkaca 15 lira daha vermişdir. Mîlâd-ı İsa yortusu münâsebetiyle General Franks, Misters DoughtyWilly ve Matmazel Franks, Cerrahpaşa Aşhânesi'ne gelerek muhâcirlere şeker tevzîʻ etmişlerdir. _______________ Beynelmilel Muʻâvenet Komitesi'nde Hilâl-i Ahmer Aʻzâsı Beynelmilel Salîb-i Ahmer Komitesi ile birçok Salîb-i Ahmer Cemʻiyetleri Rus muhtâcînine