HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 145 bezl-i muʻâvenet eylemek maksadıyla bir Beynelmilel Muʻâvenet Komitesi teşkîl etmişlerdir. Cemʻi- yetimiz dahi Beynelmilel Salîb-i Ahmerler âilesine mensûb olduğu cihetle, merkezi Cenevre'de bu- lunan bu muʻâvenet komitesine şehr-i mezkûr Osmanlı Başşehbenderi Cemil Bey'i Hilâl-i Ahmer murahhası sıfatıyla intihâb ve vazîfe-i mezkûrenin kabûlünü kendilerinden ayrıca ricâ etmiş ve key- fiyet-i intihâbı Beynelmilel Salîb-i Ahmer Heyʼeti'ne de ayrıca bildirilmişdir. _______________ Beynelmilel Salîb-i Ahmer Mukâvelenâmesi'nin Taʻdîli Mesʼelesi Harb-i Umûmî'yi müteʻâkib bazı taraflardan Beynelmilel Salîb-i Ahmer Mukâvelenâmesi'nin taʻdîli lüzûmu dermeyân edilmiş ve taʻdîle mübâşeretden evvel bu lüzûma dâir bir rapor ihzâr etmek üzere ayrıca bir komisyon teşkîl edilmiş idi. Bu komisyon, tanzîm etdiği raporda taʻdîl lehinde serd-i mütâlaʻât etdikden sonra vesîka-i mezkûre sûretinin Cenevre Salîb-i Ahmer Mukâvelesi'ne vazʻ-ı imzâ eden devletlere gönderilmesini teklîf eylemiş ve teklîf-i vâkiʻ rehîn-i kabûl olmağla 15 Nisan 1921 târîhinde raporun sûret-i musaddakaları, alâkadâr devletlere irsâl olunmuşdur. Bu defa Beynelmilel Salîb-i Ahmer Heyʼeti'nden Hilâl-i Ahmer'e vârid olan bir mektûbda mukâ- velenâme-i mezkûru imzâ edenler meyânında bulunan Hükûmet-i Seniyye-i Osmaniyece bu bâbda dermeyân edilecek metâlib ve arzuların neden ibâret olduğunu bi't-tahkîk kendisine işʻâr eylemek- liğimiz ricâ ediliyor. Hilâl-i Ahmer'e taʻalluk eden aksâma âid muʻâmele-i lâzıme derdest-i icrâdır. _______________ [109] Yunanistan'daki Osmanlı Sivil Esîrlerinin Perîşânlığı Yunan ordusu, Trakya'da Anadolu'da geçdiği yerlerde fiʻlen muhârebeye iştirâk etmemiş bir- çok Türk ihtiyâr, çocuk ve kadınlarını tevkîf ederek Yunanistan'a iʻzâm ve tebʻîd etmiş idi. Yunan Hükûmeti, bu bîçâreleri güya esîr-i harb addetmediği cihetle kendilerini aç ve sefîl bırakmakdadır. Hilâl-i Ahmer Cemʻiyeti bu zavallıların çekdiklerini nazar-ı dikkate alarak tehvîn-i elemlerini teʼmîn zımnında lâzım gelenler nezdinde teşebbüsde bulundu. _______________ Himâye-i Etfâl Cemʻiyeti'nde Hilâl-i Ahmer Aʻzâları Himâye-i Etfâl'e Muʻâvenet Beynelmilel Heyʼet-i İttihâdiye Osmanlı Heyʼeti'nde Hilâl-i Ah- mer Cemʻiyetince bulundurulması muʻtâd olan aʻzânın intihâbı merkez-i umûmînin 2 Kânûn-ı Evvel 1337 [2 Aralık 1921] târîhli celsesinde icrâ olunarak aʻzâ-yı sâbıkanın yani Reîs-i Sânî Müderris Doktor Âkil Muhtar ve Hâmid Beyefendiler ile Kâtib-i Umûmî Doktor Hikmet ve fahrî Veznedâr Haydar ve merkez-i umûmî aʻzâsından Mâliye Nezâreti esbak Müsteşârı Müderris Hasan Tahsin Beyefendilerin bir sene müddetle heyʼet-i müşârunileyhâ nezdinde Hilâl-i Ahmer'i temsîl eylemeleri ve bunlardan Âkil Muhtar ve Hâmid Beyefendilerin ise heyʼetin ictimâʻlarında münâvebeten hâzır bulunmaları takarrür etmişdir. _______________