HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 146 Maʻlûlîn-i Askeriyeye Muʻâvenet Heyʼeti'nde Bulunacak Hilâl-i Ahmer Aʻzâları Maʻlûlîn-i Askeriyeye Muʻâvenet Heyʼeti'ne Hilâl-i Ahmer aʻzâsı olarak iltihâk etmiş olan Mehmed Ali Beyefendi'nin vukûʻ-ı istiʻfâsına mebnî, mezkûr aʻzâlığa Hilâl-i Ahmer Merkez-i Umûmîsi'nin 2 Kânûn-ı Evvel 1337 [2 Aralık 1921] târîhli celsesinde ittifâk-ı ârâ ile merkez-i umûmî aʻzâsından Mâliye Nezâreti Müsteşâr-ı esbakı Müderris Hasan Tahsin Beyefendi intihâb ve taʻyîn olunmuşdur. _______________ Hastabakıcılık Teşkîlâtı İçin Memleketimizde hastabakıcılık teşkîlâtı vücûda getirmek maksadıyla Sıhhiye Müdüriyet-i Umûmiyesince vukûʻ bulan mesâʻî ve teşebbüsâta iştirâk eylemek üzere Hilâl-i Ahmer Cemʻiye- ti'den dahi iki aʻzânın taʻyîni müdüriyet-i müşârunileyhâca ricâ edilmesi üzerine merkez-i umûmînin 2 Kânûn-ı Evvel 1337 [2 Aralık 1921] târîhli celsesinde keyfiyet tedkîk ve müzâkere edilerek bu bâb- da müdüriyet-i mezkûre ile icrâ-yı müzâkere ve teşrik-i mesâʻî etmek salâhiyetiyle merkez-i umûmî aʻzâsından Müderris Doktor Ziya Nuri Paşa ile Müderris Doktor Neşet Ömer Beyefendi'nin intihâb ve taʻyîni takarrür etmişdir. _______________ Mösyö Franklin Bouillon'un Teberruʻâtı Anadolu-Fransa İʼtilâfnâmesi'nin emr-i akdinde mühim bir âmil olarak sarf-ı gayret eylemiş ve ahîren Adana'dan Dersaadet'e avdet [110] etmiş olan Fransa meşâhîr-i ricâl-i siyâsiyesinden Mösyö Franklin Bouillon cenâbları, Hilâl-i Ahmer maʻrifetiyle ve muhâcirîn-i İslâmiye çocuklarının ihtiyâ- câtına sarf olunmak ve büyük bir silsile-i muʻâvenetin başlangıcı olmak üzere cemʻiyetimize yüz lira ve Ankara Hilâl-i Ahmer Merkezi'ne de bin lira teberruʻ etmişlerdir. Müşârunileyhe, ibzâl buyurduk- ları bu meâsir-i insâniyet-perverâneden dolayı takdîm-i şükr ü minnet eyleriz. _______________ Davudpaşa Kışlası'ndaki Muhâcirler Geçen Kânûn-ı Evvel'in yirmi üçüncü günü Düyûn-ı Umûmiye Meclis-i İdâresi Reîsi Sir Adam Block cenâbları ile General Franks, Cerrahpaşa Aşhânesi sâhibesi Misters Doughty Willy, refâkatle- rinde Hilâl-i Ahmer Müfettiş-i Umûmîsi Doktor Celâl Muhtar Beyefendi ve Hilâl-i Ahmer meʼmûr- larından Ali Macid Bey oldukları hâlde, Davudpaşa Kışlası'nda iskân olunup iʻâşeleri kısmen Hilâl-i Ahmerce teʼmîn edilmekde olan muhâcirleri ziyâret eylediler. Sir Adam Block cenâbları muhâcirlerin hâl ü sefâletinden müteessir olarak bu bîçârelere ekmek mübâyaʻa edilmek üzere 20 Osmanlı lirası ihdâ etdiler. Misters Doughty ise sekiz çocuklu ve fakîr bir muhâcir kadınına beş Osmanlı lirası verdi. Hilâl-i Ahmer bu muhterem müteberriʻîne dahi bedbaht muhâcirlerimiz nâmına arz-ı şükrân eder. _______________