HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 147 Hilâl-i Ahmer'in Hâricden Aldığı Muʻâvenetler Stockholm Sefâret-i Seniyyesi vâsıtasıyla Taşkendli Hasan Nazar Efendi tarafından 50 İs- veç kronu, Hayfa'da Naciye Hanım tarafından 5 Osmanlı lirası, Tunus'da el-Vezîr Gazetesi Müdürü et-Tayyib bin İsa Bey maʻrifetiyle Tunuslu bir sâhib-i hasenât tarafından 100 frank, kezâlik mûmâi- leyh İsa Bey maʻrifetiyle Kayrevanlı Boslamazâde Mehmed Efendi tarafından 500 frank ve yine aynı vâsıta ile Mağrib-i Aksâ'nın Rabat şehrinde mukîm bir zât tarafından 500 frank, Hind meşâhîr-i mütefekkirîninden olup Londra'da ikâmet buyuran Emir Ali hazretleri tarafından 400 İngiliz lirası, Cemâhîr-i Müttefika-i Amerika'da kâin Peabody şehri cemâʻat-i İslâmiyesi tarafından 1.655 dolar, İsveç Salîb-i Ahmeri tarafından 14.000 İsveç kronu, New York şehrinde Amerikan-Türk Muʻâvenet Komisyonu'ndan 211,75 dolar, Amerika'da Providence şehri cemâʻat-i İslâmiyesi tarafından 1.150,75 dolar, aynı şehirde mukîm Ali Abidin Bey tarafından cemʻ olunan 60 dolar, Mısır'da Prens Emine İs- mail Hanımefendi tarafından 100 İngiliz lirası, Amerika'da Philadelphia ahâlî-i İslâmiyesi tarafından Tevhîd-i Efkâr gazetesi vâsıtasıyla 100 İngiliz lirası ve 14 şilin, el-Vezîr gazetesi müdürü vâsıtasıyla muhtelif Tunuslu müteberriʻler tarafından 266 frank ve yine mûmâileyh vâsıtasıyla Cezayirli Daho- beşir Tayyib Bey tarafından 200 frank vürûd etmişdir. Hilâl-i Ahmer bütün bu müteberriʻîn ve müte- vassıtîn-i kirâma alenen takdîm-i teşekkürât eder. _______________ [111] Talha Ebuzziya Bey'in Ufûlü Tevhîd-i Efkâr Gazetesi Başmuharriri Ebuzziyazâde Velid Bey'in büyük birâderi Talha Ebuzzi- ya Bey'in İsviçre'de taht-ı tedâvîde bulunduğu Azra Sanatoryumu'nda vefât eylediğini kemâl-i teessü- ri le haber aldık. Hilâl-i Ahmer Mecmûʻası , cemʻiyetimize karşı birçok muʻâvenâtı sebk eden Tevhid-i Efkâr 'ın muhterem başmuharriri beyefendi ile âile-i keder-dîdesine beyân-ı taʻziyet eyler. _______________ Hilâl-i Ahmer Ankara Murahhaslığı Erkânından Abdülmuttalib Bey'in Muvâsalatı Hilâl-i Ahmer'in Ankara murahhaslığı erkânından es-Seyyid Abdülmuttalib Bey murahhaslığa taʻalluku olan bazı husûsâtın tesviyesi zımnında İstanbul'a muvâsalat etdi. Beyân-ı hoş âmedî eyleriz. _______________ Rus Muhâcirleri İçin Alman Salîb-i Ahmer Cemʻiyeti, Hilâl-i Ahmer'e mürâcaʻatla bi'l-ıztırâr Rusya'dan müfârakat etmiş olan Rus mültecîlerinin mahall-i ikâmetlerini öğrenmek maksadıyla Berlin'de bir istihbârât kalemi açdığını ve Hilâl-i Ahmer tarafından bu bâbda vukûʻ bulacak mürâcaʻâtı maʻa'l-memnûniye nazar-ı iʻtibâra alacağını beyân ve İstanbul'daki Rus muhâcirleri hakkında da ayrıca maʻlûmât iʻtâsını ricâ etmişdir. Hilâl-i Ahmer Cemʻiyeti esâsen ve hasbe'l-insâniye bu gibi vazifeler ile mükellef olduğundan Alman Salîb-i Ahmer Cemʻiyeti'nin ricâ-yı vâkiʻini maʻa'l-memnûniye kabûl ederek icrâ-yı îcâbına müsâraʻat eylemişdir.