HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 148 _______________ İstanbul Telgrafhâne Salonunda Hilâl-i Ahmer Madalyası Hilâl-i Ahmer Cemʻiyeti'ne mühim mikdârda nakdî teberruʻâtda bulunmuş olan İstanbul Telg- rafhânesi meʼmûrlarının bu bâbdaki fedâkârlıklarına bir mukâbele-i şükrân olmak üzere Hilâl-i Ah- mer Cemʻiyeti tarafından kendilerine verilmiş olan tunç Hilâl-i Ahmer madalyası, merâsim-i mahsû- sa ile telgrafhâne salonuna taʻlîk edilmişdir. Hilâl-i Ahmer Cemʻiyeti bu fırsatdan bi'l-istifâde İstanbul Telgrafhânesi meʼmûrlarına tecdîden beyân-ı teşekkür ile imdâd ve teveccühlerinin devâm ü bekâsını ricâ eder. _______________ Sibirya'dan 109 Esîr Geldi Geçen Kânûn-ı Evvel'in yirmi sekizinci Çarşamba günü Triyeste tarîkıyla ve Harar vapuru ile Sibirya'dan 109 Osmanlı esîri şehrimize gelmişdir. Bu esîr kâfilesi Hilâl-i Ahmer, Muhâcirîn Müdü- riyeti, Merkez Kumandanlığı tarafından gönderilen meʼmûrlar ile Beynelmilel Salîb-i Ahmer Murah- hası Mösyö Burnier tarafından istikbâl edilmişdir. Hilâl-i Ahmer, memleketlerinden hâric bir yerde yedi sene kadar acı bir gurbet hayâtı çekmiş olan bu cefâkeş vatandâşlarımıza kemâl-i samîmiyetle: [112] "-Hemşehriler, geçmiş olsun, hoş geldiniz" der. _______________ Romanya Salîb-i Ahmer Mecmûʻası Romanya Salîb-i Ahmer Cemʻiyeti tarafından neşrine başlanılan mecmûʻanın ilk nüshasını al- dık. Yirmi dört sahîfeden ibâret olan bu mecmûʻanın mündericâtı müfîd ve mütenevviʻdir. Yeni refi- kimizi tebrîk ve devâm-ı muvaffakiyetini temennî ederiz. _______________ Anadolu İçin Çiçek Aşısı Anadolu hidemât-ı sıhhiyesinden vukûʻ bulan taleb üzerine Hilâl-i Ahmerce muhtelif yerlere 500.000 kişilik çiçek aşısı gönderildi. _______________ Davudpaşa Muhâcirleri Hilâl-i Ahmer geçen Kânûn-ı Evvel ayı zarfında Davudpaşa'daki muhâcirlere 15.184 kıyye ekmek tevzîʻ etdi. Cemʻiyetimizin Davudpaşa Kışlası'ndaki muhâcirlere şimdiye kadar tevzîʻ etmiş olduğu ekme- ğin mikdârı 252.329 kıyyeye bâliğ oldu.