HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 5 149 _______________ Hilâl-i Ahmer Dispanserlerinin 1321 Senesinin Faʻâliyeti 1321 senesi zarfında Hilâl-i Ahmer'in Fatih Dispanseri 15.163, Üsküdar Dispanseri 10.544 ki- şiyi meccânen muʻâyene etmiş ve muʻâyene olan bu fukarânın hepsine de eczâ ve ilâcı da meccânen iʻtâ eylemişdir. Hilâl-i Ahmer Merkez-i Umûmîsi Mukarrerâtı Hilâl-i Ahmer Merkez-i Umûmîsi'nin Kânûn-ı Evvel 1337 [Aralık 1921] ictimâʻında ittihâz edilmiş olan mukarrerâtın başlıcaları: 1-Altın madalyaya kesb-i istihkâk edecek mikdârda iʻâne iʻtâ eden zevâtın altın madalyalar ile taltîf ve keyfiyetin kongreye arz edilmesi 2-Eskişehir Hastahânesi'nin nakid mevcûdu hitâmında seddedilmesi 3-Müderris Doktor Besim Ömer Paşa hazretlerinin Beynelmilel Onuncu Salîb-i Ahmer Kong- resi hakkında yazdığı rapor ile Müderris Doktor Âkil Muhtar Bey tarafından bu husûs hakkında kale- me alınan raporun tabʻ edilmesi. HİLÂL-İ AHMER'İN FAʻÂLİYETİ (Dördüncü numaradan mâbaʻd) Aşhâne Menzilleri ve Mecrûhlara Mahsûs Mevkiʻler Mecrûhîn kâfileleri için nokta-i tecemmuʻ ve mebdeʼ-i hareket ittihâz edildiği Ordu Sıhhiye Dâiresi tarafından işʻâr edilen başlıca mevkiʻler Akbaş, Lapseki, Ilgardere ve Değirmenburnu'ndan ibâret idi. Hilâl-i Ahmer, bu dört mevkiʻde aşhâneler küşâd ederek buraya gelen mecrûhîne çorba, çay ve bol ekmek verir idi. En ilerideki hatların siperlerinde mecrûh düşenlere dahi çay yetişdirmek üzere Soğanlı [113] dere, Arıburnu ve Anafarta'da ayrıca tertîbât yapılmış idi. Mecrûhları Dersaadet'e kadar îsâl eden Hilâl-i Ahmer'in hastahâne gemilerinde dahi böyle çay- hâneler var idi. Bu sûretle mecrûhlar İstanbul hastahânelerine yatırılıncaya kadar çay vesâir sıcak meşrûblardan mahrûm bırakılmamış idi. Çanakkale'deki çayhânelerimiz ile Akbaş'daki sahrâ has- tahânemiz 1.059.146 ve hastahâne gemilerimiz ise 137.495 fincân çay tevzîʻ etmişdir. Umûmî seferberlik iʻlân edildiği sırada Hilâl-i Ahmer, Edremid ve Gülnihâl vapurlarını istîcâr ederek hasta taşıyabilecek bir hâle ifrâğ ve kavâʻid-i beynelmilelce kabûl edilmiş olan renkler ile telvîn eylemişdir. Bir müddet donanma-yı Osmanî hizmetinde dahi bulunmuş olan Edremid vapuru, bilâhare Bahriye Nezâreti Umûr-ı Sıhhiye İdâresi emrine terk edildi. Gülnihâl'e gelince; bu vapur Hilâl-i Ahmer'in pek müstesnâ şerâit dâhilinde Trabzon'a iʻzâm eylediği heyʼetlerden birini mahall-i maksûda nakletmişdir. Mürûr-ı zamân ile Çanakkale Muhârebesi kesb-i şiddet etdiğinden Hilâl-i Ahmer Cemʻiyeti, Şirket-i Hayriye'nin 60, 61, 63 ve 70 numaralı vapurları ile Seyr-i Sefâin'in Akdeniz vapurunu da istîcâr eylemeğe mecbûr oldu. Hilâl-i Ahmer'in sancağını taşıyan bu vapurlar, münhasıran mecrûhîn nakline tahsîs edilmişler idi. Alman Salîb-i Ahmer Cemʻiyeti tarafından istîcâr ve idâre edilmiş olan Seyr-i Sefâin'in Reşid Paşa vapurunda dahi Hilâl-i Ahmer mezkûr gemi ile nakledilen mecrûhlar için ayrıca bir çayhâne açmış idi.