HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 6 169 HİLÂL-İ AHMER HAVÂDİSİ Fransızların Muhâcirlerimize Yardımı Mösyö Poincaré'nin Bir Mektûbu Muhâcirîn-i İslâmiye için iʻâne cemʻ etmek maksadıyla Paris'de bir muʻâvenet heyʼetinin te- şekkül eylediğini ve bu mesʼele ile meşgûl olmak üzere geçenlerde Düyûn-ı Umûmiye-i Osmaniye Meclis-i İdâresi sâbık Reîsi Mösyö de la Boulinière cenâblarının Dersaadet'e gelerek burada bazı mukarrerât ittihâz etdikden sonra Fransa'ya azîmet etdiğini ve muhâcirlerimize îsâr edilecek olan bu muʻâvenetin Fransız Salîb-i Ahmeri ile Osmanlı Hilâl-i Ahmeri tarafından müştereken îfâ edileceğini dördüncü nüshamızda yazmış idik. Mösyö de la Boulinière'in Paris'de makâm-ı âidine verdiği rapor üzerine Fransa Hükûmeti [122] Başvekîli Mösyö Raymond Poincaré, Fransız Salîb-i Ahmeri Heyʼet-i Merkeziyesi Reîsi Ge- neral Pau'ya bir teşvîk mektûbu göndermişdir. Millî müessesemiz olan Hilâl-i Ahmer'e karşı gâyet teveccühkâr bir fıkrayı ihtivâ eyleyen bu mühim mektûbun sûret-i mütercemesini ber-vech-i zîr derc ediyoruz: "-Fransız Salîb-i Ahmeri Heyʼet-i Merkeziyesi tarafından meʼmûriyet-i mahsûsa ile İstanbul'a gönderilen Mösyö de la Boulinière, bu büyük müessesenin Türk pâyitahtının fevkalâde hâl-i sefâ- let-iştimâline karşı lâkayd kalamayan vatandâşlarımızdan bir kısmının teşebbüsâtına ne gibi şerâit dâiresinde mukâbele etmeğe karâr verdiğini bana îzâh etdi. Mütâreke'den üç sene sonraya kadar hâl-i harbin temâdî ve Anadolu'da muhâsamâtın tecdîd ü inkişâf etmesi ve muvâsalâtın inkıtâʻı netîcesinde ahâlînin ne kadar elîm bir vazʻiyetde kaldıklarını ve Türkiye'nin diğer aksâmından İstanbul'a ilticâ etdiklerini anlatdı. Fi'l-hakîka her dürlü muʻâvenet ü himâyeden mahrûm kalan binlerce kadın ve yetîmin dûçâr oldukları sefâlet-i mutlaka, Türkiye ile kadîm ve samîmî münâsebât idâme eden Fransızların teessür ve rikkatini câlibdir. Medâr-ı mübâhâtı olan anʻanât-ı insâniyet-perverâneye tevfîkan ve bu sefâletleri tehvîn mak- sadıyla Fransız Salîb-i Ahmeri'nin Anadolu'da Fransız esîrlerine ibzâl etdiği muʻâvenetlerle minnet ü şükrânımıza kesb-i istihkâk etmiş olan Osmanlı Hilâl-i Ahmeri ile kolayca anlaşdığını Mösyö de la Boulinière bana hikâye etdi ve bu sûretle teşekkül eden komiteye vesâit-i icrâiye-i mukteziye teʼmîn etmek lüzûmunu söyledi. Fransız Hükûmeti'nin bu âlî-cenâbâne teşebbüse maʻa'l-memnûniye yardım edeceğini zât-ı âlînize bildirmekle şerefyâbım. Hükûmet, mezkûr teşebbüsün Şark'da Fransa'nın teʼmîn-i nüfûzuna ve münâsebât-ı mâddiye ve maʻneviyesinin inkişafına alâkadârlık gösteren bütün vatandâşlarımızın muʻâvenetlerine de mazhar olacağından mutmaindir. İhtirâmât-ı fâikamın lütfen kabûlünü ricâ ederim, efendim. Poincaré" Hilâl-i Ahmer Cemʻiyeti bu hayır-perverâne teşebbüsden dolayı Mösyö Poincaré cenâblarına ve Fransız Salîb-i Ahmeri'ne en derîn hissiyât-ı minnetdârîsini arz u takdîm etmeği bir vecîbe addeder. *** Bank-ı Osmanî Paris Merkez-i Umûmiyesi, muhâcirîn-i İslâmiye'nin imdâdına gelecek olan Fransız Salîb-i Ahmeri'ne yirmi beş bin frank teberruʻ etmişdir. _______________