HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 6 171 Bu komite hiçbir maksad-ı siyâsî taʻkîb etmiyor, gâyesi yalnız hayrî ve insânîdir. Cihânın en çok müslümân tebaʻaya mâlik bir memleketi olan Büyük Britanya İmparatorluğu'nun civân-merd ahâlîsi, bir mürâcaʻata karşı lâkayd ve bigâne kalamaz. Bu muhâcirler, harbden mesʼûl olmak şöyle dursun, bizzât harbin kurbânıdırlar. Köyleri, evleri yandı, kül, türâb u harâb oldu. Sulh iʻâde edilinceye ve yazın sıcak ayları gelinceye kadar, bunlar muʻâvenet-i umûmiyeye sûret-i mutlakada muhtâcdırlar. Misters Doughty Willy dört ay müddetle günde 250 muhâcire yemek verilmek üzere bir küçük aşhâne açdı. İngiliz komitesi de yine bu uğurda sarf edilmek üzere 350 İngiliz lirası verdi. Yirmi beş kişiyi bir ay müddet iʻâşe etmek için on İngiliz lirası kifâyet ediyor. Komite ilkbahâra kadar lâ-ekal 5.000 kişiyi iʻâşe edebilecek kadar bir meblağ toplayabileceğini ümîd ediyor. Verilecek bi'l-cümle iʻânât ve teberruʻâtın sarfı sıkı bir teftîşe tâbiʻ olacakdır. Bu maksadla vukûʻ bulacak iʻânât ve teberruʻât, İstanbul'da Millî Türkiye Bankası'na, Osman- lı Bankası'na yâhûd Muhâcirîn-i İslâmiye'ye İmdâd İngiliz Komitesi'ne gönderilmeli ve muhâberât Düyûn-ı Umûmiye'de komitenin kâtibi Mülâzım Kumandan Neville-Rolfe nâmına irsâl edilmelidir. İstanbul, 25 Kânûn-ı Evvel 1921" _______________ Hindistan'da İʻâne Toplamağa Müsâʻade Olunmuşdur. Samanlıdağ şibh-i cezîresi muhâcirlerini düşmanın elinden ve taʻarruzundan kurtarmak husû- sunda şâyân-ı şükrân hidemâtı mesbûk mühim bir âmil olup Hilâl-i Ahmer işlerine de ayrıca alâka göstermekde → [124] Hilâl-i Ahmer Merkez Anbârı'nın faʻâliyeti manzaralarından Vue de la cour du Dépôt central du Croissant-Rouge Ottoman