HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 6 172 bulunan General Franks cenâbları, Hilâl-i Ahmer Reîs-i Sânîsi Hâmid Beyefendi'ye tercemesini ber-vech-i zîr derc eylediğimiz mektûbu gönderdi: "-19 Kânûn-ı Sânî 1922 Azîzim Hâmid Bey, General Sir Charles Harrington'a Hindistan nâzırı tarafından gönderilen mektûbun fıkarât-ı âti- yesine büyük bir alâkadârlıkla muttaliʻ olmak isteyeceğinizden emînim. İngiliz Hükûmeti'nin müsâʻa- de-i mahsûsasıyla Hindistan vâlî-i umûmîsinin iʻâne açmak üzere olduğunu söylemekle bahtiyârım. Ümîd ederim ki, bu açılan iʻâneye Hindistan dahi semîhâne iştirâk edecekdir. Tarafımdan ayrıca Hindistan'a ve Mısır'a gönderilen mektûbların cevâbları henüz gelmedi. İhtirâmât-ı fâika. G. Franks" _______________ Cenevre Mukâvelenâmesi'ne Tecâvüz Mesʼelesi Beynelmilel Salîb-i Ahmer Cemʻiyeti, harb-i zâil esnâsında Cenevre ve Lahey Mukâveleleri ahkâmına muhâlif bir sûretde hareket eden düvel-i mütehâribeye, müstakbelde mezkûr mukâvelenâ- melere riʻâyet etdirmek çârelerini taharrî etmek maksadıyla harb-i mezkûr esnâsında bî-taraf kalmış olan İsviçre, İspanya, Hollanda, İsveç, Norveç ve Danimarka Salîb-i Ahmerleri tarafından müntehab bir komisyon teşkîl etmiş ve bu mesʼeleye dâir müdellel ve mufassal bir rapor ihzârını mezkûr komis- yondan ricâ eylemiş idi. Hilâl-i Ahmer tarafından da [125] Hilâl-i Ahmer Merkez Anbârı'nın faʻâliyeti manzaralarından Vue de la cour du Dépôt central du Croissant-Rouge Ottoman