HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 6 175 _______________ Tunus'da Hilâl-i Ahmer Komitesi Osmanlı Hilâl-i Ahmer Cemʻiyeti'ne muʻâvenet etmek maksadıyla Tunus'da bir komite teşek- kül etdiğini ve komitenin merkezi ez-Zühre gazetesi idârehânesi olduğunu ve bütün Tunus gazeteleri- nin bu emr-i hayra iştirâk edeceklerini Tunus'da çıkan el-Münîr gazetesi yazıyor. _______________ Davudpaşa Kışlası'ndaki Muhâcirler ve İngiliz Komitesi Geçen Kânûn-ı Sânî'nin yirmi ikinci Pazar günü, İngiliz Fevkalâde Komiseri Sir Horace Rum- bold'un zevce-i muhteremesi Lady Rumbold, Misters Doughty Willy, General Franks, refâkatlerinde Hilâl-i Ahmer Müfettiş-i Umûmîsi Doktor Celâl Muhtar Bey ile kerîmeleri Adviye Hanım ve Hilâl-i Ahmer meʼmûrlarından Ali Macid Bey oldukları hâlde, Davudpaşa Kışlası'nda iskân olunup iʻâşeleri kısmen Hilâl-i Ahmerce teʼmîn edilmekde olan muhâcirleri ziyâret eylediler. General Franks ve Misters Doughty Willy esâsen Muhâcirîn-i İslâmiye'ye İmdâd İngiliz Ko- mitesi aʻzâsından olduklarından komitenin bu kışlada bulunan beş yüz muhâcirin iʻâşesini derʻuhde etdiğini beyân ile bu bâbda istihzârât-ı lâzımede bulunulmasını Hilâl-i Ahmer'den ricâ etdiler. Hilâl-i Ahmer, bu muhterem komiteye muhâcirîn nâmına teşekkür etdi ve o günden iʻtibâren beş yüz muhâcire sıcak yemek vermeğe başladı. [128] Aynı günde Lady Rumbold, refâkatinde Misters Willy ve Matmazel Franks oldukları hâlde tekrâr Davudpaşa Kışlası'na gelerek muhâcirînden en ziyâde perîşân ve muhtâc olanlara otuz battâniye tevzîʻ etdi. Arz-ı teşekkür olunur. *** 4 Şubat'a musâdif Cuma günü General Harrington cenâblarının zevce-i muhteremesi Lady Har- rington, Lady Kete, Misters Doughty Willy, Misters Cobham, General Franks, Mülâzım Holland ve General Harrington'un yâverlerinden biri refâkatlerinde Doktor Celâl Muhtar Bey ile kerîmeleri Adviye Hanım, Ali Macid Bey ve zevcesi Aliye Macid Hanım oldukları hâlde Cerrahpaşa'da Çapa Pavyonu'nda ve Davudpaşa Kışlası'nda iskân edilmiş olan muhâcirîn-i İslâmiye'yi ziyâret etmişlerdir. Mezkûr İngiliz komitesi, muhâcirlere tevzîʻ edilmek üzere Hilâl-i Ahmer'e yüz battâniye iʻtâ etmişdir. *** Hilâl-i Ahmer geçen Kânûn-ı Sânî ayı zarfında Davudpaşa'daki muhâcirlere 16.474 kilo ekmek tevzîʻ etmişdir. _______________