HİLÂL-İ AHMER MECMÛʻALARI / CİLT 1

Osmanlı Hilâl-i Ahmer Mecmû ‘ ası Sayı 6 176 Esîr Meʼmûrîn-i Sıhhiyenin Mübâdelesi Tabîb, eczâcı, hastabakıcı vesâir meʼmûrîn-i sıhhiyenin Lahey Konferansı mukarrerâtına tevfî- kan esîr-i harb addedilmedikleri ve bunlardan düşman eline geçeceklerin serbest bırakılmakda olduk- ları maʻlûmdur. İşte bu esâsa binâen ve Osmanlı Hilâl-i Ahmer ve Yunan Salîb-i Ahmer Cemʻiyetleri arasında takarrür eden bir iʼtilâf üzerine Yunanistan'da bulunan 73 ve Anadolu'da bulunan 3 sıhhî meʼmûrun serbest bırakılması için teşebbüsât-ı lâzımede bulunulmakdadır. Hilâl-i Ahmer'e Teberruʻât Şehrimiz tüccâr-ı muʻteberesinden el-Kâtib Abbas Bey, Hilâl-i Ahmer'in îfâ etmekde olduğu hidemât-ı [129] insâniyeye kıymetdâr bir zamîme-i muʻâvenet olmak üzere cemʻiyetimize yüz on bin sekiz yüz kırk kuruş kıymetinde malzeme-i sıhhiye ihdâ eyledi. Beyrut eczâ-yı tıbbiye tüccârından es-Sâdâd Muhammed Fazurî ve Beşir Bizun Efendiler dahi Hilâl-i Ahmer'e bir sandık malzeme-i sıhhiye teberruʻ ve irsâl eylediler. Bahçekapısı'nda eczâ ve âlât ü edevât-ı sıhhiye ve kimyeviye ticârethânesi sâhibi Ev- liyâzâde Nureddin Bey tarafından beş bin kuruş kıymetinde âlât-ı züccâciye, Unkapanı Câddesi'nde Şeref Eczâhânesi Sâhibi Eczâcı Şeref Bey tarafından iki bin kuruş kıymetinde muhtelif ampüller teberruʻ edildi. Viyana'da Tatlıcı Niğdeli Mevlud Efendi ile altı Türk tale- be tarafından toplanılan ve 49 parça çamaşırı hâvî olan dört paket eşyâ dahi Hilâl-i Ahmer'e vâsıl oldu. Hilâl-i Ahmer bütün bu muhterem müteberriʻlerine ızhâr buyurdukları meâsir-i insâniyet-perverâneden dolayı alenen arz-ı teşekkür eder. _______________ Hilâl-i Ahmer'e Hâricden Gelen Muʻâvenetler Şehrimiz tüccâr-ı muʻteberesinden Abbas el-Kâtib Beyefen- di maʻrifetiyle Tunus'dan 290 frank, Süveyş'de mukîm Göz Tabîbi Ahmed Cevdet Bey maʻrifetiyle Mağribli İstanköylü Hasan Mehmed Bey tarafından 10 Mısır lirası, Tunus'da çıkan el-Vezîr Gazetesi Sâhibi et-Tayyib bin İsa Bey maʻrifetiyle müteʻaddid müteberriʻler tarafından 130 frank, Tunus'da Mürşidü'l-Ümme Gazetesi Müdürü Süleyman el-Câdevî Bey tarafın- dan 495 frank, Cemâhîr-i Müttefika-i Amerika'nın Ohio eyâletinde Akron şehrinde mukîm Rasim Abdurrahman Bey tarafından 25 dolar, Trablusgarb Hilâl-i Ahmer Cemʻiyeti nâmına 12.000 İtalyan lirası yani frangı vürûd etmişdir. Hilâl-i Ahmer bütün bu müteberriʻîn ve mütevassıtîn-i kirâma alenen takdîm-i teşekkürât eder. _______________ Hidemât-ı meşkûresine zamîme olmak üzere bu defa cemʻiyetimize yüz on bin kuruş kıymetinde malzeme-i sıhhiye teberruʻ eden İstanbul tüccâr-ı muʻteberânından el- Kâtib Abbas Beyefendi Elkatib Abbas Bey Effendi, négociant de Constantinople. Abbas Bey, en dehors des services qu'il a rendus à notre Société, vient de lui faire dernièrement un don en matériel sanitaire dʼune valeur de plus de 110.000 piastres